PORTO DOS MILAGRES, Rede Globo|2001

Пристаниште на чудата е бразилска теленовела, напишана по сценарио на Ажиналдо Силва и Рикардо Линарес, а во режија на Роберто Наар, во соработка со Фабрисио Мамберти и Лусијано Сабини. Оваа теленовела има добиено многу награди за 2001 година и кај нас се прикажуваше на А1 телевизија.


Пристаниште на чудата – Porto dos milagres
Земја на потекло: Бразил
Година: 2001
Епизоди: 195


Феликс Гереро и неговата жена Адма се криминалци, крадци, но при обид за бегство од Шпанија, налетуваат на една Циганка, која ќе им предвиди дека ќе го поминат морето и Феликс ќе стане крал. Феликс и Адма решаваат да одат во рибарското гратче Пристаниште на чудата во Бразил каде живее Бартоломео Гереро, братот на Феликс и воедно најбогатиот човек во тој крај за да се погрижат за неговите пари. Откако ќе стасаат таму, Адма го труе Бартоломео за да Феликс го наследи неговото огромно богатство и стане крал. Но, еден ден на нивната врата ќе затропа проститутката Арлет со дете во рацете, тврдејќи дека детето е на Бартоломео. За да се ослободи од законскиот наследник, Адма го праќа надзорникот Ериберто да ги убие проститутката и детето. Ериберто заминува со Арлет и детето во еден мал чамец по морето во исто време кога и рибарот Федерико со својата жена Еулалија со свој чамец брзаат да стигнат до лекар кој би ја породил бремената Еулалија. Ериберто ја убива Арлет, но во моментот кога сака да го убие бебето, над него се појавува сенката на Божицата Иеманија. Истата сенка го носи бебето до чамецот на Федерико кој ја породува својата жена на сред море. Рибарот кој верува во Божицата, го зема детето мислејќи дека ова е подарок од неа заради своето мртвородено дете. Еулалија умира на породувањето, откако ќе го види бебето мислејќи дека е нејзино. И така Федерико му ветува на детето во име на Божицата дека никогаш нема да се оддалечат од морето, кое го донело во неговите раце. Гума, Бартоломеовиот син, синот на најбогатиот човек во градот и законскиот наследник, расте во рацете на еден сиромашен, чесен рибар. Така започнуваат неговиот живот и неговата сага во градот на чудата.
Минатото на тој град крие и многу други приказни. Една од тие е за Ливија, внуката на Аугуста Еуженија Проенца де Асунчао, најважната жена во општественото друштво. Сестрата на Аугуста се вљубила во рибарот Леоницијо, поради кој се откажала од семејното богатство и луксуз во име на сопствената среќа и страствената љубов. Аугуста Еуженија, незадоволна од постапката на сестра и, и предлага на полицијата да го истражи сомнителното минато на Леоницијо за да ги застраши сестрата и рибарот. Но, акцијата на полицијата е претерана и тие случајно ги убиваат Лаура и Леоницијо, кои се наѓаат на своето бротче. Така, Ливија останува сираче кое е под закрила на нејзината богата тетка. Минатото ја крие и приказната на Роса Палмеирао, сестрата на Арлет која го убива стариот полковник кој ја завел нејизната сестра и така завршува во затвор во друг град. Таму, Роса станува челична жена, подготвена на апсолутно се. Откако ќе ја издржи затворската казна, се враќа во Пристаништето на чудата за да открие каде исчезнала нејзината сестра и нејзиното бебе. Роса се вплеткува со Феликс Гереро, не знаејќи дека тој е поврзан со исчезнувањето на Арлет.
По многу години, приказната ги следи животите на веќе возрасните Гума, кој е почитуван како рибар и Ливија, која е во врска со Александер Гереро, син на Адма и Феликс. Но, Ливија се запознава со Гума и двајцата силно се вљубуваат. Гума станува силен противник на Феликс, но и негов политички соперник во рибарскиот град. Феликс Гереро не ни се сомнева дека Гума е неговиот внук, кој ќе го тргне од кралскиот трон и ќе го превземе законското наследство, како што и предвиде Циганката пред многу години….

Улоги: Антонио Фагундес, Маркос Палмеира, Касија Кис, Флавиа Алесандра, Луиза Томе, Арлет Салес, Леонардо Бричио, Жоана Форум, Едуардо Галвао