MULHERES APAIOXONADAS, Rede Globo|2003

Вљубени жени е бразилска теленовела, снимена од мрежата на гигантската Реде Глобо, а напишана од Маноел Карлос. Оваа серија има 203 епизоди за бразилското население, а за интернационалниот пазар има 170 епизоди.
Серијата говори за Хелена, сопруга и мајка која почнува да се сомнева во својот брак со музичарот Тео Рибеиро Алвес . Нивниот однос е преобичен, без големи караници, но и без страст. Имаат син Лукас. Хелена предава историја во училиштето Рибеиро Алвес, чии сопственици се нејзиниот маж и неговата сестра Лорена. Тео свири саксофон во џез бенд во кој свири и Перола, а со неа Тео ја има ќерката Лусијана, која студира медицина. Перола е сега мажена за музичарот Атаулфо, кој исто така свири во бендот на Тео и го имаат синот Жаиро. Сите и покрај своето минато одлично се согласуваат. Најголема промена во животот на Хелена предизвикува враќањето на Цезар, нејзината љубов од младоста, кој е сега вдовец и живее во Рио де Жанеиро. Исто така Хелена дознава дека Цезар е неврохирург во болницата на доктор Анжела Моретија, каде работи неговата ќерка Марцина, која е ученичка во училиштето на Хелена. Во болницата работи и Лусијана, ќерката на Тео. Цезар е одличен доктор, но сите се плашат од неговата индиферентност и студенило. Кога неговата сопруга се разболела, се распаѓа и неговиот однос со синот Родриго. Родриго го обвинува татко му дека е виновен за смртта на мајка му, која се разболела поради недостиг на љубов и внимание во бракот. Додека Исабел умира, Родриго се кара со својот татко обвинувајќи го дека ја изневерувал со асистентката Лаура. Цезар се надева дека својата мајка Матилде и ќерка му Марцина ќе му помогнат да се смири и повторно зближи со синот. Хелена за своите чувства поврзани со нејзината љубов од младоста и сомнежите околу нејзиниот сопруг ги дели со своите сестри Хилда и Хелоиса. Врската со нејзините сестри ќе биде од големо значење за иднината на Хелена. Хилда и Хелоиса се исто така мажени жени, но живеат во потполно поразлични односи со сопрузите. Хилда е сопственичка на Делија каде продава пецива и слатки кои ги прави со помош на својата ќерка. Мажена е за одметникот Леандро, а нивната ќерка е тинејџерката Елиса. За разлика од Хелена, Хилда е самоуверена и му верува целосно на сопругот. Хелоиса е најмладата од сестрите која е мажена за архитектот Серхио. Серхио е згоден и вљубеник во спортот, па затоа Хелоиса е љубоморна. Иако Серхио ужива во женско друштво и флерт, не сака да го наруши брачниот однос со Хелоиса која во бракот постојано бара и наоѓа нешто што воопшто не ни постои. Хелоиса работи со уметници. Уште една добра пријателка на Хелена е и золвата Лорена, одлучна и страствена жена...Низ серијата ќе се испреплетат многу судбини, многу семејни, животни и социјални проблеми, но главна тема и водилка на сите настани ќе останат вљубените жени...

Улоги: Жосе Мајер, Кристијана Торлони, Тони Рамос, Сусана Виеира, Режина Алвес, Каролина Диекман, Хелена Раналди, Жулија Жам, Вера Холц, Маркос Калусо