PECADO CAPITAL, Rede Globo|1998/99

Pecado Capital - Смртен Грев
Број на епизоди : 125


Смртен Грев е бразилска новела која постигна голем успех во периодот од 1998 до 1999 додека беше прикажувана на националната бразилска телевизија Глобо.
Римејк на истоимената новела од 1975 г., овој пат адаптирана од Глорија Перез (Клон), Смртен Грев е приказна за амбицијата, страстта и омразата.
Во главните улоги се појавуваат Eduardo Moscovis и Carolina Ferraz (истите оние кои ги толкуваа неазборавните Нандо и Милена во новелата Por Amor, само една година пред снимањето на Pecado Capital).





Приказната започнува следејки го животот на сиромавиот такси возач Зе Карлос, кој живее со својот татко и сестра во сиромашниот кварт на Рио, Маршал Хермес.
Зе случајно ќе се најде сред виорот на една полициска патрола, кога несвесно со своето такси ќе ги спаси бандитите и љубовници од сигурен затвор, поради украдени 2 милиони долари од Националната банка. Бегајки од полицијата, бандитите ќе излезат од автомобилот на Зе, заборавајки ја торбата со украдените пари во таксито. Воден од амбицијата и желбата за подобар живот, Зе ќе ги сокрие парите во својата соба, несвесен дека истите ќе му доведат несреќа и проклетство.
Зе има долга врска со локалната убавица Лусиња, која работи во маркетот на дон Салвиано, осамен човек во години кој е запленет од убавината на девојката.
Нудејки и работа како модел на девојката, Лусиња радо ја прифаќа понудата на дон Салвиано, што ќе и донесе проблеми во врската со Зе, дури и распад на истата. Со текот на времето, Лусиња започнува романса со Салвиано, што ќе го натера огорчениот Зе да ги искорити парите кои ги најде во таксито, за да му парира на стариот вдовец во борбата за љубовта на Лусиња, а истите пари ќе го доведат и до смртта.



Улоги: Francisco Cuoco, Carolina Ferraz, Eduardo Moscovis, Cassia Kiss, Vera Fisher, Paloma Duarte, Alexandre Borges и др.