Сител телевизија

Losteech напиша:

Ги повикувам експертите од Сител да го ѕирнат постов, посебно Јаневски кој е верувам добро запознаен со програмата на А1 од пред некои 3-4 години.

Се надевам пак ќе ме уверите НЕКАКО оти во тоа време ниту една од тие серии ТОГАШ не била гледана од страна на повеќе од 5% од популацијата во Македонија и дека во тоа време А1 и Сител заедно немале ни повеќе од 10% гледаност. Искрено се надевам дека ќе ме уверите дека таков бил случајот.

Можеби и ќе ви поверувам, којзнае. ;)

Нема потреба да ми веруваш. Доволно е да ги погледнеш актуелните програмски шеми на телевизиите и ќе поверуваш
За жал тоа е реалноста.
Што мислиш, зошто тие изгледаат така?
Затоа што така сакаат телевизиите, а гледачите сакаат поинаку? Верувај дека не е така. По скоро, е токму спротивното.

Замисли сега јас како се жалам дека партијава која ја води државава, не ми се допаѓа. Во ред е тоа, но имало парламентарни избори и поголемиот дел од гласачите мислеле поианку.
Е сега гласачите ќе ги замениме со “телевизиски гласачи“ односно гледачи, кои секојдневно, часовно, минутно, гласаат преку својот далечински управувач која серија или емисија ќе ги гледаат. Погоди кои гледачи победуваат. Ако не можеш да погодиш, отвори ги повторно актуелните програмски шеми и ќе ти биде јасно.

Тоа е Losteech. И ти и јас лично, очигледно сме атипични гледачи за оваа средина. И јас не гледам ни турски ни индиски серии, но повеќето гледачи “гласаат“ за нив.

Не го сфаќајте како навреда од телевизиите кон вас, тоа што не ги скроиле своите програмски шеми по вашиот вкус.


За да направиш паралела помеѓу програмските шеми пред 3-4 години и сега, треба во предвид да земеш неколку работи.
Прво и основно, немаше пиплметри. Во тоа време гледаноста се мереше по diary методата. Таа отприлика изгледа вака: Ти даваат едни листови во кои водиш дневник за тоа што гледаш во текот на една недела. Испитувањето се правеше секоја прва недела во месецот.
Ваквиот начин на испитување на гледаноста е прилично примитивен и си има голем број на аномалии. На пример, телевизиите се трудеа најмногу само во неделата кога е испитувањето. Во таа недела ги даваа своите најдобри филмови, емисии и сл.

Еве и еден пример за разликата помеѓу податоците од пиплметрите и diary методата.
Токму во периодот пред да се воведат peoplemeter-ите работев во А1. Заради слабата гледаност(според diary методата) на емисијата на Боки 13 беше донесена одлука истата да се укине, но за да се потврди одлуката решивме да ги почекаме првите резултати од peoplemeter-ите кои требаше да пристигнат за неколку дена. Кога ги видовме резултатите останавме подзинати. Рeoplemeter-ите го спасија Боки. Сиротите испитаници во diary методата очигледно им било срам да пишат дека го гледале Боки13.

Друга работа која треба да ја земеш во предвид пред 3-4 години е распоредот на силите. А1 беше убедливо на прво место, а Сител и Канал 5 скоро и немаа амбиции да се натпреваруваат.
Еве ги првите резултати од peoplemeter-ите (ноември 2007) кои првично беа инсталирани само во Скопје.

A1 23,40%
KANAL 5 13,23%
SITEL 9,71%
MTV 1 6,75%
TELMA 5,44%
ALSAT M 3,57%

Токму затоа што А1 беа убедливо бр.1, а Сител и Канал 5 немаа амбиции за повеќе, им овозможуваше позиција во која тие повеќе ги пуштаа сериите кои тие ги сакаат, а не тоа што гледачите сакаат да го видат.
Драстични промени настанаа кога Сител започна да се приближува на А1.
А1 реши да ја смени стратегијата и се повеќе да се обраќа кон публиката која е помногубројна.
Не велам дека американските серии немаа рејтинзи. Но кога ќе ги спортивставиш со турска/индиска серија разликите стануваат големи. За жал, таквите разлики во моментов не може да си ги дозволи ниедна телевизија која има амбиции да биде најгледана. Иначе мислиш ли дека А1 би се откажала од американските серии од primetime ако тие би имале доволно висок рејтинг? Сум работел во А1 и сега работам во Сител и ве уверувам дека телевизиите (луѓето кои ги креираат програмските шеми) сакаат што повеќе американски хит серии на својата програма, но притисокот на гласачите со далечинскиот управувач и огласувачите си го прават своето.

Борбата е немилосрдна и знам дека е пред се на сметка на гледачите (но и донекаде на имиџот на телевизиите).
Но тоа е. Медиумите во една држава се само огледало на општеството во кое се наоѓаат. Под општество подразбирам, гледачи, држава(власт), политички партии, газди на телевизии, огласувачи, образование, традиција, култура итн.
За жал, како општество не може да се погледнеме во огледало и на одразот да му речеме “грд си!“ без притоа да е грдо и општеството кое е пред огледалото. Како индивидуи можеби сме поразлични. Дури и убави