OUTLAW|2010-

БРОЈ НА СЕЗОНИ: 1 (засега) | БРОЈ НА ЕПИЗОДИ: непознат
ОФИЦИЈАЛЕН САЈТ

Од добитникот на повеќе Еми награди, актерот Jimmy Smits (NYPD Blue, West Wing) и извршниот продуцент, John Eisendrath (Alias, Felicity) ни пристига драмата "Outlaw" („Криминалец“) која не се плаши да ја прикаже вистината пред навидум заслепените очи на моќниците.

Скромен број на работни места ви се гарантирани доживотно, а работата во Врховниот Суд е нешто кое никогаш не се напушта. Освен ако сте Сајруз Гарза (Jimmy Smits).

Судијата Гарза, плејбој и коцкар, отсекогаш се придржувал кон строгите интерпретации на законот. Се’ до моментот кога ќе сфати дека системот во кој отсекогаш верувал е расипан. Сега, откако ја знае вистината, тој го напушта Врховниот Суд и повторно станува адвокат. Детерминиран да го претставува „малиот човек“, тој ги искористува своите знаења од внатрешноста на правосудниот систем за да ги преземе денешните најголеми правни случаи, успевајќи притоа голем дел од нив да „реши“ во мал временски период. Правејќи го тоа, многу моќни луѓе ќе останат незадоволни од неговата работа.