-Chat-

Пред крајот на оваа година можеда заклучиме дека не видовме ниедна светска ѕвезда во Македонија оваа година..и искрено јас сум разочаран од тоа...
Да се надеваме дека 2011 ќе биде подобра на ова поле..

Phillip напиша:

Пред крајот на оваа година можеда заклучиме дека не видовме ниедна светска ѕвезда во Македонија оваа година..и искрено јас сум разочаран од тоа...
Да се надеваме дека 2011 ќе биде подобра на ова поле..

???

50 Cent, David Guetta, Billy Idol, Tiesto што се?

Очигледно не ги познава

Chris напиша:

Очигледно не ги познава

Не бе..ти ги познаваш..

Што ли ќе објави НАСА вечерва: дека нашла живот на друга планета, за некои вонземјани или ..?

http://a1.com.mk/vesti/default.aspx?VestID=131096
http://kanal5.com.mk/default.aspx?mId=101&eventId=67945

Што мислите вие ?!

И јас ова го читав на нет, јас мислам ќе бидат живи глупости. Не верувам дека Наса ке си допушти луксуз да соопшти такви работи. Сигурно ќе биде нешто у стил вода, микроорганизми, бактери

Незнам, се` е можно, веќе ништо на овој свет не ме чуди, но едвај чекам да видам што е тоа што откриле

Јас не знам колку пати досега имам чуено дека нашле нови планети и кој ги знае тие нови? Никој.
Можеби е некое откриетие кое само ќе предизвика возбуда кај народот и се ќе остане на понатамошни истражувања.

800 денари за Шербеџија и Тадиќ


Влезниците за концертот на Раде Шербеџија и Мирослав Тадиќ се пуштени во продажба по цена од 800 денари. Фантастичниот проект на двете легенди насловен "Имам пјесму за тебе" скопјани ќе го видат на 20 декември со почеток во 21 часот во Универзална сала. Организаторите Авалон продукција велат дека поради презафатеноста на Шербеџија и Тадиќ ќе се одржи само еден концерт. Билетите ги има на касата на Универзална, во Југотон - ГТЦ и во цвеќарницата Розе Веро 2.

Ако се земе предвид дека на албумот превладуваат македонските традиционални песни, има неколку ромски и лички песни, организаторите велат дека ќе биде вистинско уживање да се чуе најголемиот балкански актер и шансониер на сите времиња Шербеџија заедно со виртуозт на фламенко-гитара Тадиќ. Публикатата ќе има можност да ужива и во неколкуте песни на Арсен Дедиќ, меѓу кои и легендарната поетска творба Не дај се, Инес", што по неколку децении Шербеџија и Тадиќ ја ставаат како дел од албумот.

Вечер




Абе цела Ју естрада оваа есен и зима на печалба во Македонија

Скандалозен учебник за втора година средно училиште


„Бело теле, бела крава, бело млеко нам ни дава“. Оваа песничка треба да ја учат 16-годишни ученици од втора година од средните стручни училишта.

Во употреба беше пуштен уште еден скандалозен учебник. Преполн е со песни од поети за детска литература. „Песничката за месечко“, „Белата песна“ и песната за прво одделение се само дел од содржините на учебникот по македонски јазик, што во училиштата беше дистрибуиран пред десетина дена.

Професорите реагираат. Не сакаат да ги предаваат овие лекции. Велат, учениците ни се смеат.

„Иако чекавме долги години да се издаде учебник за средно стручно образование, она што го добивме пред само 15-тина дена предизвикува во прв ред бура на смеа во одделенијата каде што влегуваме и потоа зачуденост“, изјави Мирјана Гацова.

Ако во прва година средно, учениците ги анализираат Хомер и „Илијада“, во втора треба да се симнат неколку нивоа подолу. Да гледаат детски сликички и да читаат песни што децата ги рецитираат во забавиште.

„И кога ќе почнете вие да им читате една песничка за прво, второ одделение, децата почнуваат да се смеат. Овој учебник претставува понижување на интелектот на учениците во прв ред, а потоа дури на професорите“, додава Гацова.

Учебникот е испечатен во 11.000 примероци. Секој примерок чини околу три евра, што значи дека за оваа литература Министерството за образование потрошило повеќе од 30 илјади евра, без авторскиот хонорар.

Овој учебник бил единствениот одобрен од Педагошката служба. Немал конкуренција. А кога учениците од гимназиите и оние од стручните училишта ќе полагаат државна матура, сите ќе треба да одговараат на истите прашања.

Извор: А1


Не е за смеење..ама..
Ај некој од форумџиите ако е 2 година и ако ја има книгата, нека ја слика или нека ја скенира ако има скенер..и ние малку да се посмееме..

Џоли ми го зема здивот

Џоли е силна, самоуверена, реална. Позитивна, насмеана, забавна, преубава. Предана и посветена мајка. Работник, голем работник и професионалец. Со јасна идеја за тоа што сака, што бара и што може да добие. Успешна, оперирана од суета. Голем пријател, искрена и чиста. Најслободна и отворена. Топла, мила, неисцрпна, креативна.... Научив дека сето ова и многу други позитивни особини можат да стојат во еден човек. Посакав да постојат повеќе такви кои ќе поседуваат барем половина од ова, во најубав случај сe

Јелена Јованова е македонска актерка на која $ успеа да влезе во актерската екипа на режисерското деби на холивудската ѕвезда Анџелина Џоли што изминатите 2 месеца се снимаше во Будимпешта и во Сараево. Вели, 3 месеци живеела во куфер, постојано на пат, но дека добро се чувствува. Јелена дипломираше пред 3 години, а од пред две години е вработена во МНТ. Игра на сцените на МНТ и на Драмски во Скопје, а има и неколку претстави во Штипскиот театар. Таа со нејзините 26 години веќе се памети по улогите во "Демонот од Дебар маало", "Мара саад", "Вејка", "Сомнително лице", "Чикашки перверзии", "Госпоѓа министерка", "Дундо Марое", "Буре барут", "Тупаница полна љубов", "Метаморфози", "Троил и Кресида". Од филмови зад неа се "Како да ме нема" на Хуанита Вилсон, што и ја лансираше до продукцијата на Џоли, а сними филм со Васил Христов кој е во постпродукција.

-Јелена, веруваш ли во судбина?

Верувам во себе. Верувам во искрената желба и во нејзина проекција. Верувам нема случајности. Верувам сe има свое зошто за да добие и свое затоа. Верувам ништо не е невозможно. Верувам сe се може ако се сака. Верувам. Просто и едноставно, имам верба.

-Ти се случи да те одбере Анџелина Џоли во нејзиниот деби режисерски филм. Не можам ни одблиску да претпоставам што значи ова за тебе?

Искрено, допрва и јас сфаќам што ми се случи или, можеби, сe уште не. Физички сум во Скопје три недели, а психички почнав да пристигам пред некој ден (се смее). Ништо не е случајно во животот. А посебно е убаво кога ќе се најдеш на вистинско место во вистинско време, кога ќе ги препознаеш твоите 5 минути, и ќе ги искористиш.

-Како се случи да дојдеш на кастинг за филмот на Џоли? Каков ти беше контактот со неа, дали беше таа таму, што ти беше задача, што требаше да одглумиш?

Ситуацијата е следна: Сараево филм фестивал 2010 и Талент кампус. Се отвора конкурс за учесници на Талент кампусот каде што влегува и Јелена Јованова. Една од причините што аплицирав, беше и завршеното снимање во ноември 2009 на "Како да ме нема" на Хуанита Вилсон, кој требаше, и имаше своја премиера на СФФ 2010.
Во истиот ден кога нејзината кастинг директорка се подготвува да замине во Лондон, јас имам премиера на филмот, и ме викаат на разговор за англиски филм. Никој не ми кажува кај кого одам и за кој филм. Пред да влезам на разговор, непосредно пред самата премиера, дознавам дека внатре ме чека Гејл Стивенс!!! Гејл Стивенс?? Жената на Дени Бојл?
Кастинг директорка на "Сиромавиот милионер", "Треинспотинг","Обој ме, Кјубрик","Плажата","Револвер","Сонот на Касандра" и уште стотина други филмови. Подоцна дознав дека се прави кастинг за филм на Анџелина Џоли, и јас на тој кастинг?
Имав получасовен многу пријатен разговор со Гејл, знаеше дека имаме премиера и беше подготвена да дојде да го види филмот. Добив 15 страници од сценариото на англиски и 20 минути да ги научам. Во животот не сум била помобилизирана (се смее). Ги научив, ги снимивме, бевме задоволни, и заминавме на премиера. Го погледна филмот, го зеде, $ го пушти на Џоли.

-Што ти се случуваше во периодот додека не дозна дека си влезена, што си размислуваше?

Прво бев пресреќна што бев дел од тој кастинг, и знаев дека Гејл е задоволна, бев и јас. Добив и-мејл дека треба да се вратам назад во Сараево. Мислев дека одам на втор круг. Главните улоги одамна беа поделени, во тој период имаше втор круг за споредни. Отидов, влегов, психички подготвена за друг кастинг, кога на маса ме чекаше сценарио со мое име, име на ликот и информација дека Џоли веќе ми дала улога. ВРЕСКАВ ВО СЕБЕ ОД СРЕЌА. Го зедов сценариото, отидов на најфиното кафе за да ја исчитам фино приказната, да уживам во прекрасниот момент, да почнам да фантазирам за самиот процес на снимање и да си речам - колку е убаво да се биде Јелена Јованова (се смее). Бев пресреќна, исполнета и отворена за сe она што требаше допрва да се случи.

Што научи од неа како актер, автор, мајка, жена, режисер, човек? Каква е Џоли одблиску?

Силна, самоуверена, реална. Позитивна, насмеана, забавна, преубава. Предана и посветена мајка. Работник, голем работник и професионалец. Со јасна идеја за тоа што сака, што бара и што може да добие. Успешна, оперирана од суета. Голем пријател, искрена и чиста. Најслободна и отворена. Топла, мила, неисцрпна, креативна.... Научив дека сето ова и многу други позитивни особини можат да стојат во еден човек. Посакав да постојат повеќе такви кои ќе поседуваат барем половина од ова, во најубав случај сe.

-Колку дена снимаше, каква е улогата?

Снимав 9 дена, а бев 28 дена во Будимпешта. "Мериот" ми беше дом скоро еден месец, и секое сабајле се будев покрај Дунав. Уживав и работев исполнета докрај. "Љубовна приказна без наслов"- веќе познато, е љубовна приказна за Србин и Муслиманка, која почнува пред војната и продолжува и во нејзино време.

-Како одеше процесот на подготовка на улогата и дали спиеше вечерта пред првата средба со Џоли?

Немав време да преспијам, бидејќи се сретнавме цел ден порано од договореното (се смее). И како и секој друг што ја видел првпат, и мене ми застана здивот, посебно кога почнуваш да ја запознаваш како човек. Имавме заедничко кафе, со муабет како веќе да се познаваме долго време, разменувавме мислења и идеи за ликот и за неговиот развој, на првата средба имав пријател, другар, режисер и колега. Знак за убава соработка каква што искрено и беше, и неизмерно многу ми фали и процесот и професионалноста. Што се однесува на актерските проби, ги правевме пред самото снимање на сцените, а што се однесува на снимањето, е тогаш навистина не спиев, бидејќи првиот ден на снимање и првата снимена сцена беше моја, и тоа најтешката. Направив огнено крштавање (се смее), имав лесна нога, се после мене течеше лесно и убаво (се смее).

- Колку што пренесуваа светските агенции, Бред Пит беше постојано до Џоли, и доби мала улога од сопругата. Колку можевте вие како екипа да дознаете за култниот холивудски пар Бранџолина?

Пар кој постојано максимално се поддржува, надополнува, споделува и се сака. Секогаш заедно, никогаш еден без друг.

- Според строгите договори на продукцијата, дали нешто можеш да ни кажеш околу премиерата на филмот, дали си поканета, и што очекуваш понатаму?

Пред неколку дена заврши снимањето, мислам дека има многу понуди и опции за тоа каде ќе биде премиерата. Каде точно ќе биде, не знам да кажам, но сигурно со големо задоволство ќе раскажам кога ќе се вратам со импресиите, бидејќи веќе сум поканета.
А за понатаму, понатаму сe ќе биде како што треба да биде. Јас посакувам да продолжам чисто и со љубов да ја градам својата кариера и на филм и во театар, да продолжам да верувам, да не дозволам политички да ми ја затрујат професијата и да ми ја земаат слободата, да сонувам, остварувам и здравје по некое време повторно да раскажувам за нови искуства и успеси. Сe што треба да биде ќе биде и ќе се случи, повикано од ова.

-Кажи нешто за атмосферата околу сетот и за дружбата со екипата по снимањето?

После снимање, завршуваш со гитарата на Ѓуро плус Ѓуро. Топ-листа на надреалисти во живо. Се смееш, а стомачните те болат како да си се префорсирал во теретана. Си легнуваш, го впиваш во себе денот, сето она што се случило на сет, третиран како што треба да бидеш третиран, мотивиран, заспиваш и чекаш да се разбудиш, и да почнеш пак.

-Што се случува со тебе откако се врати, на што работиш?

Заврши магијата филм, се делиш од една фамилија која ти фали многу, како што се случува по секој процесс, по секоја интимно споделена приказна која заедно ја раскажувате. Се вратив таму кај што застанав, на сцената во МНТ и мизансценските проби со Васил Христов - Вуси за "Темпирана опера", чија премиера се очекува при крајот на месецов. Се вратив да ја завршам приказната на Алекс. Напорни и исполнителни проби, повторно супер процес. Немам ништо против, нека продолжи така.

- Дали мислиш дека режисерскиот првенец на холивудската ѕвезда Џоли може судбински да смени нешто во твојот живот?

Што ќе се случува после ова, останува да видиме. На оваа задача одговорив и дадов сe од себе, како и за која било друга. Нема големи и мали улоги, нема златни средини, нема нешто е битно, а нешто е помалку битно. Многу просто, или го работиш докрај или не го работиш воопшто. Ништо не потценуваш и не работиш паушално. За сe треба да се дадеш докрај, само така ќе бидеш задоволен и ти и тој што тоа треба да го прими.
Vest

Браво за Јелена, многу ми се допаѓа како појава

Сергеј Трифуновиќ индирекно ја пецка Наташа Беквалац дека за MTV мисли дека е Македонска Музичка телевизија, по што оваа го пцуе среде емисија.

Ова као демек озбилно се закачаат или...? Мене ми изгледа баш наозбилно а?

Едвај го чекам филмот на Џоли! Ги следев сите информации за време на снимањето, и од хрватски весници и од странските. Баш ми е драго за Јелена