Вистинскиот лик на Исус Христос

Компјутерските експерти тврдат дека со помош на современата дигитална технологија успеале да го прикажат лицето на Исус Христос. Резултатите се сосема зачудувачки.
Всушност, 3D фотографијата на Исус Христос не е воопшто иста како што се сметаше дека изгледа Синот Божји.


Исус Христос бил црнокос и изгледал како ренесансните сликари, барем вака е претставен во новата фотографија.

Контурите на лицето и телото наводно се земени од крвавите платна во кои Исус Христос бил завиткан по симнувањето од крстот.

Во реконструкцијата на телото и лицето се вложени неколку месеци напорна работа, а научниците тврдат дека ова е прва реконструкција од ваков тип.
Резултатите ќе бидат претставени во документарната серија „The Real Face OF Jesus“, која ќе биде емитувана на History Chanel.

- Доколку сакате да го реконструирате лицето на Исус тогаш единствен објект кој вам може да ви помогне е платното во кое Исус бил замотан, изјави Реј Даунинг, експерт кој го предводеше ова истражување.

- Имам многу информации за тоа како навистина Исус изгледал и моја проценка е дека оваа фотографија е близу тоа како овој човек изгледал. Лицето кое што сме навикнати да го гледаме е поинакво бидејќи сега се работи за 3D фотографии. Платната не виселе на ѕид, туку тие го покривале телото. Тука лицето е скриено, изјави Даунинг.

Дебатата за автентичноста на платната трае со векови. Тестот кој што беше направен 1988 година покажа дека платната датираат од период меѓу 1260-та и 1390-та година, што се укажува дека тие биле лажни.

Но, покасно повторно беше изјавено дека резултатот можеби е погрешен бидејќи платната сепак преживеале столетија, поплави и пожари.

Два милиони луѓе очекуваат да ги видат платната во кои бил завиткан Исус Христос, кои ќе бидат изложени во катедралата во Торино, Италија.