[Конкурс] ТВ Критичар (Ги избираме тројцата најдобри во вторник, 6.04.2010!)

Форумџии, ајде да се размрдате малку и да ја покажете вашата креативност и умешност за пишување. :)

Делот „Телевизија“ од ТВ Форум отвора конкурс каде бара еден форумџија со познавање од областа на телевизиите, добар писателски стил и критичарски став за да има можност секоја недела (или секоја втора недела) да објавува своја колумна во која ќе фали/критикува се што е актуелно од страна на македонските телевизии, како и ќе дава свои размислувања за истите.

За да учествувате во конкурсот, потребно е да пратите кратка ПП со наслов „Конкурс“ кај мене која ќе содржи:
1) Име на проектот (колумната)
2) Шифра на критичарот
3) Кратка колумна од 130 до 150 зборови на слободна тема од оваа област според која ќе се процени кој треба да победи во овој конкурс
4) Дали сакате вашата колумна да се објавува секоја недела, или на две недели

Правила за победникот:
1) Форумџијата ги пишува своите колумни во периодот 15.04-31.06, а потоа и од 1.09-31.12. По завршувањето на овој период, се објавува нов конкрус, во кој може да се биде ре-избран
2) Модераторот прв ја прегледува содржината на колумната пред таа да биде објавена
3) Доколку форумџијата не си ја врши својата работа правилно, може да биде отстранет
4) Ако во одредени периоди форумџијата не е во можност да ги пишува колумните, за тоа треба да го извести модераторот

Конкурсот започнува од 12.03.2010 и ќе трае три недели, односно до 2.04.2010.

За одлучување на победникот можни се две варијанти:
1) Победникот да го избере админо-модераторскиот тим на ТВ Форум
2) Двајцата најдобри пристигнати колумни да се објават на форумот и за најдобриот да одлучат форумџиите преку анкета, во случај ако заинтересираноста за конкурсот е поголема

За се што не е јасно, прашувајте.
Натпреварувањето може да започне.