DAMAGES, FX|2007-

БРОЈ НА СЕЗОНИ: 3 (засега) | БРОЈ НА ЕПИЗОДИ: 39 |
ОФИЦИЈАЛЕН САЈТ | IMDB | TV.COM

Содржина:

Откако ќе дипломира право, Елен Парсонс (Роуз Брн, Marie Antoinette) е подготвена да го испроба новостекнатото знаење во Њујорк. Таа е повикана на интервју во една успеша фирма раководена од Пети Хјуз (Глен Клоуз, The Shield), немилосрдна адвокатка со изострен инстинкт за вистина и правда која работи по избор на оние кои се борат против моќните корпорациски гиганти. И покрај тоа што ќе пропушти една профитабилна понуда поради тоа што ќе се расчуе дека била примамена од Хјуз, Елен одбива да му робува на пренатрупаниот распоред на Пети за едно интервју поради кое би ја пропуштила свадбата на својата сестра. Меѓутоа, импресионирана од начинот на кој оваа млада адвокатка ќе и' се спротистави, Пети се појавува на свадбата и и' ја понудува работата на Елен.

Во фирмата на Хјуз, Елен учи многу за работата – но учи и за суровоста – од верниот заменик на Пети, Том Кент (Тејт Донован, The O.C.), пред да почне да работи на граѓанска тужба против Артур Фробишер (Тед Дансон, Becker), бизнисмен милионер обвинет за нелегална продажба на акции при која си го задржал своето богатство,а ги банкротирал своите вработени. Игнорирајќи ги напорите на итриот адвокат на тајкунот, Реј Фиск (Жељко Иванек, Black Hawk Down), Пети чувствува можност за победа која скапо ќе го чини Фробишер, ќе ги задоволи нејзините клиенти, а неа ќе ја збогати уште повеќе.

Единствениот проблем е што дури ни федералната темелна истрага нема да може да најде ниту најмал доказ дека Фробишер знае за сомнителната трансакција. Сепак, свесен дека Пати води комплетна евиденција на неговата работа, Фробишер за да избегне каков било ризик доколку се појави на суд, измамува еден поранешен работник да ги убеди другите обвинители да прифатат сто милиони долари за да ја повлечат тужбата. Соочена со бунт откако нејзините клиенти ќе изгласаат да ја прифатат понудата наместо да одат на суд, Пети се разбеснува и го отпушта Том (или барем така изгледа) што не успеал да дознае дека клиентите веќе се согласиле да прифатат одредена сума пари. Откако Елен ќе дознае дека сестрата на нејзиното момче Дејвид (Ноа Бин, Stay), Кејти Конор, работела како готвачка кај Фробишер во исто време кога се случила продажбата на акциите, сфаќа дека постои пукнатина што може да го разјасни целиот случај. Бидејќи Фробишер истовремено е инвеститор во новиот ресторан на Кејти, таа ќе се двоуми дали да излезе со информации што би можеле да ја загрозат иднината на нејзиниот нов бизнис кој и така е несигурен – до моментот кога некој ќе се обиде да ја заплаши со тоа што ќе и' прати луѓе да и' го убијат кучето.

Кога Кејти ќе почне да трага по одговорниот за инцидентот, па дури да е тоа и Фробишер, Елен ќе почне да се сомнева дека е вовлечена во сложен заговор исцениран од страна на Пети со намера да ја натера Кејти да сведочи. Но Елен нема да успее да види колку е блиску до целта со своите претпоставки и уште повеќе ќе заглави во стапицата што Пети ја постави за Фробишер – но и за Елен. Откако Елен ќе види дека светот околу неа наеднаш се руши, бара помош од полицијата за да го расплеткаат случајот, додека Пети ги зголемува напорите за да се осигура дека Фробишер ќе плати за штетите што ги направил.