NINE | 2009

„Девет“
Режија: Роб Маршал
Улоги: Даниел Деј-Луис, Никол Кидман, Марион Котиљард, Пенелопе Круз, Кејт Хадсон, Софија Лорен, Ферџи, Џуди Ден

Девет е американски драма мјузикл – филм од 2009 год. Филмот е режиран и продуциран од веќе докажаниот мајстор за спој на музика и филм Роб Маршал, кој веќе доби доста признанија а и Оскар за најдобар филм за својот претходен мјузикл Чикаго. Сценариото е од Мајкл Толкин и Ентони Мингела, и е базиран на книгата на Артур Копит според која беше направен и мјузикл на Бродвеј во 1982 а со тоа доби и Tony награда за најдобар мјузикл на годината. Но генерално, овој филм е римејк на италијанскиот филм 8½, кој беше режиран од Федерико Фелини.

Филмот својата американска премиера ја имаше на 18 декември 2009, во Њујорк и Лос Анџелес, додека пак својата светска премиера ќе ја има на 25 декември 2009.

Во главните улоги се појавуваат глумците наградени со Оскар, Даниел Деј-Луис, Џуди Денч, Никол Кидман, Марион Котиљард, Пенелопе Круз, Софија Лорен, актерката номинарана за Оскар, Кејт Хадсон и добитничката на Греми Награди, Ферџи.

Кратка содржина:

Поминувајќи ги и педесетите години од својот живот, филмскиот режисер Гидо Контини (Даниел Деј-Луис) е зафатен од средноживотната криза по што ја губи својата креативност и го носи кон различни комплицирани романтични врски. Обидувајќи се да го заврши својот последен филм, тој е присилен да биде опкружен во друштво на неколку жени од неговиот живот, вклучувајќи ја неговата жена, Луиза (Марион Котиљард); неговата љубовница, Карла (Пенелопе Круз); неговата муза од филмот, Клаудија (Никол Кидман); неговиот советник и костимограф, Лили (Џуди Денч); Американската модна новинарка, Стефани (Кејт Хадсон); проститутка од неговата младост, Сараџина (Ферџи); и неговата мајка (Софија Лорен).

N I NE

Филмот кој буквално го чекав од јануари минатата година кога беше најавено снимањето и продукцијата. Уште повеќе кога слушнав кои ќе се појават во главните т.е во актерската екипа. Најпрво морам да напоменам дека ова е феноменален филм, пред се реален, многу подобар според мене од „Chicago“, претходниот филм на Роб Маршал кој доби и Оскар за најдобар филм, додека овој има номинација само во музичкиот дел и споредна улога (Пенелопе Круз). Никако не се согласувам поради тоа затоа што актерската екипа и содржината, а најмногу волшебната сценографија, костимографија, музика и кореографија.

Според мене дефинитивно во овој филм триумфираа Даниел Деј Луис, Ферџи и Пенелопе Круз, кои најмногу ме бендисаа и најмногу се соживуваа во улогите. За Кејт Хадсон немам зборови исто, преубава композиција и кореографија имаше на песната "Cinema Italiano". Целата таа убавина на Рим и Сицилија едноставно не може а да не ве натераат да не го изгледате филмот. Софија Лорен не ја гледавме многу, но беше извонредна, толку врвна и искусна актерка како за неа да застанале годините... Марион Котиљард совршенство од убавина

Не знам уште колку убави зборови треба да споменам... фантастично, волшебно, уметничко дело кое ќе ве остави без здив...

Д Е В Е Т
одлично...!