DIRT, FX|2007-2008

DIRT е американска драма, која се фокусира на таблоидот DirtNow, како и на неговата главна и одговорна уредничка, Луси Спилер, и нејзиниот долгогодишен верен пријател, Дон Конки, кој е папарацо. Исто така се прикажуваат и животите на познатите личности, кои ќе се најдат во списанието. Извршни продуценти се Кортни Кокс и нејзиниот сопруг Дејвид Аркет. Серијата започна со прикажување на 2 јануари 2007, а заврши на 13 април 2008 година. Кај нас можевте да ја гледате на FOXlife.

Земја на потекло: САД
Година на емитување: 2007-2008
Број на епизоди: 20

1 сезона: 13 еп.
2 сезона: 7 еп.
= 20 епизоди

Кратка содржина:

Луси Спилер е главна уредничка на две списанија, таблоидот "Dirt" и угледното списание "Now". Кога ќе ги обедини овие две списанија во едно, таа станува уредник на еден од најпознатите и највлијателните таблоиди во Холивуд - "DirtNow". Луси поседува способност да манипулира со животите на познатите личности преку статиите кои ги објавува во своето списание. Но, не се работи за обично списание полно со глупости и измислени работи, туку за истражување и новинарство. Мотото на Луси е: "Печатете ја вистината!" и ништо не може да ја сопре во откривањето на вистината и нејзиното објавување за цел свет да види како некој нивен модел за однесување прави разни глупости кога никој не го гледа. Верниот вработен и нејзин пријател, папарацото Дон Конки секогаш успева да го фати на филм она што ѕвездите мислат дека го скриле. Но, факт е дека Луси е осамена и несреќна, иако е заслепувачки убава и изгледа како класична фатална жена. Таа има доверба само во Дон, но проблемот е што тој е шизофреничар, кој пати од поделба на личноста и многу често халуцинира. Сепак, некоја сила ја држи Луси на врвот и таа продолжува да ја врши својата работа најдобро што може.

Улоги: Кортни Кокс, Иан Харт, Џош Стјуарт, Александра Брекенриџ...