МТВНајстарата
телевизиска куќа кај нас, Македонската радио-телевизија, Новата 2010
година ќе ја дочекаат со емитување музичка програма која ќе содржи
многу забавна и народна музика. Оттаму велат дека веќе се снимени
новогодишните изданија на албанската, турската, влашката, ромската,
бошњачката и на српската редакција. За веселото празнично расположение
ќе придонесат вкупно 200 изведувачи од забавната и од народната музика,
фолк-групи и артисти. Од забавната музика ќе гостуваат ѕвездите:
Александра Пилева, Александар Белов, Верче Пандиловска, Влатко
Илиевски, Наде Талеска, Јоце Панов, Ламбе, Елена Ристевска и многу
други.
Во делот за народна музика ќе пеат: Виолета Томовска,
Душко Ѓеоргиевски, Благоја Груевски, Зуица Лазова, Јасмина Гуњова,
Анета Наковска, Тања Лазаревска, Миле Кузмановски... Народните танци и
ора ќе бидат во изведба на културно-уметничкото друштво „Гоце Делчев“
од Скопје, додека како фолк- изведувачи свој настап ќе имаат „Фонтана“,
Анета и група „Молика“, Кате и „Нели ти реков“, „Пицикато“, „Биоритам“
и „Фортуна“. Во прославата на најлудата ноќ ќе учествува и екипата на
македонските народни приказни. Што се однесува до филмовите, тие ќе
бидат застапени во голем број. Еве некои од филмските наслови на МТВ:
„Бегајќи избезумено“, „Човек неволја“, „Девојчето со кибритчиња“,
анимираниот филм „Првиот бакнеж на Дедо Мраз“, „Одмор за паметење“,
„Основен инстинкт 2“, „Мит“, „Американско бафало“, „Пејач“, „Имитирајќи
го Бетовен“, „Говор на ангелот“...
Наша ТВОд
Наша ТВ, пак, ќе се застапени вообичаените содржини. Во 6.45 часот ќе
оди во живо новогодишното издание на емисијата „Ало будење“ со
познатиот водител Виктор Петров - Викса. Во неа ќе учествуваат гости од
различни области, но ќе биде и вметнат детски блок. Во 18 часот ќе се
емитува новогодишното издание на емисијата „Кажи и направи нешто добро
за Македонија“ . „Профит“, емисија од областа на бизнисот ќе стартува
во 18.40 часот, а ќе претставува ретроспективно издание на
најзначајните економски моменти од 2009 година. Веќе од 22.30 часот па
до 00.30 по полноќ, гледачите ќе се забавуваат со концертот на Зафир
Хаџаманов..
Утрото на први јануари Наша ТВ ќе посвети внимание и
на децата со анимираниот долгометражен филм, „Волшебната вртелешка“,
што ќе започне во 11 часот. Во 13.45 часот љубителите на спортот ќе
имаат можност да го проследат преносот на ски-скокалницата од Гармиш
Партенкиркен, Германија од традиционалниот првојануарски натпревар во
ски-скокови, како и коментарите на спортскиот новинар Зоран Михајлов.
Наша ТВ за време на новогодишните празници ќе ги понуди филмовите:
„Кралица“ и „Ветерот што го ниша јачменот“.
АлфаНовогодишната
програма на телевизија Алфа ќе започне во 18.30 часот во рамките на
музичкото издание на емисијата „Портик“, во која ќе гостуваат над 20
изведувачи од забавната естрада, а водители ќе бидат Ивана Илиевска и
Бона Рауновска. Во 20.30 часот ќе се емитува и празнично хуманитарно
издание на квизот „Земи или остави“, во кој за хуморот ќе биде
задолжена добропознатата екипа на К-15. Новогодишното издание на
емисијата „Зајди, зајди“ ќе започне во 21.45 часот, а како водители ќе
се појават: Елена Ѓеоргиева, Иван Лазаров о Гоце Андреевски.
Емитувањето ќе се одвива од две студија. Така, од едното во живо ќе
пеат гостите, додека од другото ќе биде пуштено Чалгија Саунд систем.
На првиот ден од 2010 година во 9.30 часот наутро ќе се емитува
јубилејниот концерт на АКУД „Мирче Ацев“. Во 18.00 часот ќе се прикаже
првиот од двата концерта на незаменливиот Павароти. И љубителите на
класичната музика нема да бидат заборавени. Така, за нив на Алфа ќе се
прикажи специјалната празнична емисија „Класика за сите“, во која свое
учество ќе има и гудачкиот концерт на Македонската филхармонија.
Алсат-МАлсат
телевизија ќе се потруди и годинава на своите гледачи да им ги задоволи
вкусовите и да им овозможи пријатни и весели моменти за највеселата
новогодишна ноќ. За најмладите гледачи Алсат-М ќе направи избор од
најубавите и најразиграни детски рефрени, кои ќе ги отпеат младите
таленти што настапувале на многубројни детски фестивали. За првпат
Алсат-М на своите гледачи ќе им понуди избор на најголемите хитови од
македонската поп-естрада. Така, од македонската забавна музичка сцена
ќе гостуваат: Некст тајм, Ламбе Алабаковски, Маја Панчева, Димитар
Андоновски, Влатко Илиевски и Влатко Лозаноски, додека, пак, од
албанската поп-сцена ќе бидат присутни: Аделина Тахири, Биг Мама, Шпат
Касаби, Афредита Дрејша, а во забавниот дел ќе бидат проследени
интервјуата со Аделина Исмаили и со Синан Весалију. Хитовите на Шкурте
Фејза, Виолета Кукај, Нусрет Мучичи, Енкелејда, Миранда Ашани, Сељами
Колоња ќе бидат проследени со народни ора и танци, кои ќе ги изведува
ансамблот „Емин Дураку“ од Скопје. За време на новогодишните празници
на Алсат ќе биде емитувано и специјалното издание на Лауреати,
ретроспектива на спортските настани за 2009 година.
СителНа
телевизија Сител ќе се емитува новогодишна програма во состав на
емисијата „Богатството на новогодишната ноќ“, во која ќе има многу
музика, забава и хумор, а ќе трае до еден часот по полноќ. Водители на
оваа емисија ќе бидат Зоран Џорлев и Лила М. Стојановска. Во нејзини
рамки ќе бидат застапени подеднакво и забавната и народната музика.
Така, од забавната музика ќе може да ги слушнеме: Ламбе, Елена
Ристеска, Александар Белов, Александар Тарабунов, Маријан Стојановски,
додека од народната музика своето учество го најавија: Наум Петрески,
Блага Петреска, Сузана Спасовска, Сузана Гавазова, Зуица Лазова и
групата „Деспина“. Во новогодишно руво ќе ги видиме и хумористичната
екипа на „Курсаџии“. За љубителите на сериозната музика ќе пее женскиот
оркестар „Балкан бенд“. Во состав на филмската програма ќе може да ги
проследиме филмовите: „Вљубениот Шекспир“, „Подморницата У-571“,
„Гладијатор“, „Ајде да се сакаме 3“, „Тенка линија меѓу љубовта и
омразата“, „Ренесансен човек“, „Зошто будалите се вљубуваат“.
Канал 5На
Канал 5, пак, приоритет за новогодишните празници ќе им биде филмската
програма каде што може да видиме многубројни наслови. Дел од нив се и
филмските хитови: „Тркачка зебра“, „Праведно убиство“, „Астерикс на
олимпијада“, „18-годишна девица“, „Летачки момчиња“, „Марлин и војната
на змејовите“, „Непознато“, „Пиратите од островот на богатството“,
„Осуденици на смрт“, „Ноќ на вештерките“, „Одмазда до крај“,
„Секојдневие“, „Жив или мртов“, „Божикна куќичка“ ...
А1Исто
така, и А1 на своите гледачи за време на новогодишните празници ќе им
ја понуди својата програмска шема. Во вообичениот термин ќе стартува
новогодишното издание на најгледаниот квиз во Македонија, „Кој сака да
биде милионер“. Теленовелите. „Долина на сонцето“ и „1001 ноќ“ се
емитуваат во стандардниот термин. Од забавниот дел за време на
новогодишната ноќ ќе биде одвоен простор и за едночасовниот музички
колаж во кој ќе се прикажуваат концерти на домашните изведувачи од
забавната сцена. Од филмските хитови, А1 ги нуди: „Терминатор“,
„Високо“, „Кон сонцето“, „Кунг Фу Мешаница“, „Чарли и чоколадната
фабрика“, „Роки 5“, „Мадагаскар“, „Џек Фрост“.
ХРТВ 1За
оние што, сепак, сакаат пречекот на Новата 2010 година да го проследат
со Хрватска телевизија 1, ќе можат да се забавуваат со Новогодишен
циркус“, кој ќе започне во 20.19 часот, како и со снимката на концертот
на „Лос Кабаллерос“ , Сериите, „Долина на сонцето“, „Некделовата керќа
4“, „Внимателно со ангелот“, што ќе стартуваат во вообичаениот термин.
Утредента, на први јануари ќе се емитува преносот на Новогодишен
концерт од Виена. Од филмските наслови ќе ги проследиме: „Отпорен на
смрт“, „Големиот снежни предизвик“, „Воздушни сили 1“ и „Ѓаволот носи
Прада“.
ПИНК
Со почеток од
21.00 часот, па се' до доцните часови гледачите на телевизија Пинк ќе
уживаат во големото музичко шоу „Гранд“ и годинава во раскошна
сценографија со познати хитови од народната музика од 2009 година. За
време на празниците ќе се емитува и емисијата „Новогодишното попладне
со Леа Киш“. Како гости ќе ги видиме: Весна Змијанац, Лепа Лукиќ,
Уснија Реџепова, Халид Муслимовиќ, Дара Бубамара и други.
http://www.utrinski.com.mk/default.asp?ItemID=213B596B94EB254B9B6C70819DAB4095