DANCE DANCE DANCE, Rede Bandeirantes|2007/08

Танцувај и само танцувај е бразилска неуспешна теленовела продуцирана од бразилската ТВ куќа "Реде Бандеирантес", а во екипата која работела на серијата учество зела и продуцентката на бразилската верзија на "Грдата Бети". Ова е втора мјузикл теленовела на продуцентката куќа, а прва бразилска која е филмувана во HDTV. Како и во матичната земја, така и на интернационалниот пазар, серијата бележеше ниски рејтинзи. Во Бразил просечниот рејтинг и бил 3,5. Серијата се има прикажувано и на каналот Boomerang, а кај нас се прикажува на Скај Нет телевизија. Телемундо Интернационал ја дистрибуира серијата низ светот.
Налсовната нумера "Dance, dance, dance" ја изведува главната актерка Хулиана Барони.


ТАНЦУВАЈ И САМО ТАНЦУВАЈ - DANCE DANCE DANCE
Период на прикажување во Бразил: 1 октомври 2007 - 12 мај 2008
Број на епизоди: 161


Од сите приказни на светот, љубовта е таа која се уште успева да не расплаче. Неверојатен спој на тагата и среќата, љубовта и омразата, музиката и танцот во преубавата приказна за судбината на една мила добродушна девојка.
Софија Ивантиш е млада и сиромашна девојка која живее со својата баба во селцето Рио Торто, близу Сао Паоло. Таа е одраз на чистота и убавина, класичен херој со големи соништа и токму водена од тие соништа за светот кој го знае само од списанијата, се носи со сите предизвици, користејќи ја својата интуиција, интелегенција и упорност. Нејзината баба доња Софија била успешна руска балерина, па истата желба за танцот и ритамот и ја пренесува и на внуката која живее да стане успешна балерина во Бродвеј и да ја најде мајка и, која ја напуштила како мала. Заедно со нејзината пријателка, Софија се вработува како слугинка на хациендата на дон Лусио, каде Софија се запознава со Рафаел, синот на Лусио и така двајцата се обземени од љубовната магија, започнувајќи долга и романтична љубовна приказна. Но Рафаел мора да замине во Сао Паоло каде работи во моќната фирма на татко му и така се разделува од Софија. Софија продолжува да го живее својот сон да стане позната балерина, па така таа амбиција ја води во Сао Паоло каде по многу аудиции, успева да влезе во прочуената артистичка школа "Вероника Маркес" чија сопственичка е доминантната и цврста Леонор, бабата на Рафаел. Во школата, Софија успева да запознае многу нови пријатели, но и такви кои и завидуваат на успехот и талентот кој ги докажува преку танцот, играта, пеењето.. Со ДиЏејот и музичар Кристијан, Софија ќе оформи нераскинливо пријателство, а интерес за неа ќе пројави и Пауло, кој исто така е дел од школата. Но за да преживее во големиот град, Софија ќе мора да се вработи и во еден маалски бар "Глам" на фаталната Ребека, бар каде луѓето исто така животот го доживуваат како песна и игра.
Во големиот град, Софија повторно се среќава со Рафаел, но сега на патот на нивната среќа не стои само таткото на Рафаел за кого парите ги купуваат и човечките души, туку и арогантната Аманда и злобната Вилма, кои се вљубени во Рафаел.
Испреплетени човечки судбини, љубов, игра, страст, но и многу злоба, сплетки и лаги ќе го карактеризиираат животот на Софија на патот кон вистинската среќа.


Улоги: Juliana Baroni, Ricardo Martins, Dayenne Mesquita, Eduardo Galvão, Cláudia Lira, Ângela Dip, Clarisse Abujamra, Dudu Pelizzari, Roberto Alencar, Juliana Almeida, Monah Delacy, Luciano Chirolli, Vera Zimmermann, Fernando Belo, Lorenzo Martin