БРИГАДА, Аватар Фильм|2002

БРИГАДА е руска криминална серија, создадена во 2002 година. За многу краток период, оваа серија станала една од најпопуларните серии на сите времиња во Русија. Серијата има 15 епизоди, а е напишана од Игор Порублов и Алексеј Сидоров, а режијата е на Алексеј Сидоров. Премиерата во Македонија беше на Телма телевизија, а потоа се репризираше и на локалните телевизии низ земјава.


Во текот на 1989 година Саша Белов се враќа од војната во Авганистан. За цело тоа време додека бил отсутен, животот во неговата земја Русија се изменил многу. Неговите пријатели од детството, Пчела и Космос за тоа време се претвориле во рекетари. Саша дознава дека и неговата девојка Лена исто така го изневерува. Додека ги решава проблемите со неа пред клубот во која таа работи, тој се судира со нејзиниот нов “газда“ Мува, со криминално досие. Роднина на самиот Мува е Каверин, висок чиновник во полицијата во Русија. Пчела и Космос го наговоруваат на Саша да започне да се заниава со рекетарство, но тој постојано не прифаќа, бидејќи се подготвува да се запише на факултет. Нивниот последен другар, Фил заработува пари учествувајќи на натпревари на “улични борби“. На еден натпревар во самата публика е и Мува, чија цел е да го убие на Саша. Избувнува масовна тепачка, каде на крајот полицијата, на чело со Каверин, го пронајдува мртвото тело на Мува. За тоа убиство е обвинет Александар Белов-Саша, кој Космос успева да го сокрие надвор од градот. Во вилата каде што престојува, Саша се вљубува во сосетката и негова идна жена Оља. Со текот на времето, Саша и неговата новоформирана “бригада“ стануваат највлијателните луѓе на црниот бизнис во Русија...
Ние сме заедно уште од самиот почеток и за се што правиме, одговорноста заеднички ја превземаме. Ние сме "Бригада"!

На почетокот тоа беше само заеднички бизнис, но непланираното убиство ги претвара во банда. Сега животите им се загрозени и нема враќање назад.

Ликови:

• Саша Саша Белов (Сергеј Безруков) – водач на криминалната група. Многу паметен и интелигентен, а најголема мана му е неверувањето во никого.
• Фил ( Владимир Вдовиченков) - По Саша, тој е најискрениот член на групата. Долги години бил боксер, но поради болест го напушта спортот за да стане каскадер. По обидот за убиство, долго време е во кома, пред да биде убиен.
• Космос (Дмитриј Дужев) – Еден од творците на групата. Подоцна, Саша открива дека тој е убиецот на Мува, станува зависник од дрога а Саша тешко му верува на неговитезборови.
• Пчела (Павел Маиков) – Најтивкиот член кај групата. Подоцна, од Саша сметан за одговорен за атентатот врз неговите другари.
• Оља (Екатерина Гусева) – Сопруга на Саша,со кој има син и големи фамилијарни проблеми но сепак на крајот заедно ги решаваат.
• Каверин (Андреј Панин) –Лошата страна во филмот. Во почетокот е полицаец кој сака да го обвини Саша за убиството на Мува, а подоцна лично се пресметува со неговата група.