TERRA NOSTRA, Rede Globo|1999

Нова земја е бразилска историска теленовела, снимена и емитувана на телевизија Глобо во 1999 година. Неколку години подоцна, серијата се емитуваше и кај нас на ТВ Телма и дожиеа огромен и неверојатен успех, поради тоа што беше прва бразилска теленовела емитувана кај нас со дотогаш невидена тема во било која друга латино серија.
Дејството на серијата се одвива во доцните 1800 кога робовите биле ослободени во Бразил и имало потреба од евтина работна сила, посебно на плантажите за кафе. Како резултат на тоа, нови работници биле барани и голем број на Италијанци во потрага по подобар живот, имигрирале во Бразил за да работат на тие плантажи. Приказната и ликовите се многу различни во оваа серија, нема идеални стории, туку секојдневни карактери со секојдневни животни одлуки. Нова земја е напишана од Бенедито Рој Барбароса, а режијата му припадна на Хаиме Монжардим, великани за најгледани теленовели како оваа, која изобилува со преубави пејсажи на природата, одлична сценографија и првокласна глума. Музиката е дело на Маркус Виана, кој создаде оригинална инструментална музика, а традиционалните италијански песни се испеани од добропознатите и талентирани музичари како Каетано Велосо, Шарлот Шурх, Цици Поси и Јери Адријани. Огромната популарност на сторијата за новата земја на доселениците се докажува и со фактот дека е продадена во многу земји во светот како Тахити, Чиле, Грција, Канада, Русија, Сад, Унгарија, Филипини, Италија, Шпанија, Португалија, Хрватска и секако Македонија.


Нова земја - Terra Nostra
Земја на потекло: Бразил
Година: 1999
Епизоди: 150


Историската теленовела ја прикажува приказната за младите италијански имигранти Џулијана Есплиндоре и Матео Батистела кои се запознаваат на патот до новата земја, и од тогаш почнува силната љубов да се јавува меѓу нив. На посебен начин е прикажана големата љубов на двајцата имигранти кои планираат заеднички живот по пристигнувањето во Бразил. За несреќа, судбината и некои луѓе не го имаат истиот план. Многу сплетки ќе се попречат на нивниот пат, Џулијана и Матео ќе се разделат по стапнувањето на бразилското копно и ќе започнат одделни животи. Кога пак ќе се сретнат, нивните постапки и однесување докажуваат дека веќе не се истите луѓе, поради тоа што во нивните животи се вмешале многу други нови луѓе. Џулијана е мажена за богатиот Марко Антонио, син на банкар, а Матео со Розана, ќерка на сопственик на плантажа каде Матео работеше. Џулијана и Матео ќе мора да се борат за да го повратат нивниот син, грабнат од злобната мадам Жанет, свекрвата на Џулијана и да ја остварат својата љубов. Појавата на моралните дилеми на јунаците ќе предизвикаат жестока дебата меѓу ТВ гледачите. Затоа нема едноставни одговори на сите прашања поврзани со серијата, затоа што ниту карактерите ниту темите не се стриктно точни или погрешни, црни или бели. Ликовите и нивните проблеми се обвиени со сивило и ќе предизвикаат да гледачите го променат своето мислење за нив во текот на волшебната љубовна приказна во НОВАТА ЗЕМЈА....

Улоги : Антонио Факундес, Раул Кортес, Ана Паула Аросио, Тијаго Ласерда, Палома Дуарте, Дебора Дуарте, Мариа Фернанда Кандидо, Каролина Кастинг