XICA DA SILVA, Rede Manchete|1996

Новела која ја разбранува бразилската јавност и постигна енормна гледаност не само во Бразил туку и насекаде низ светот. Од сценаристот на Земја на Надеж и Сродна Душа, Walcyr Carrasco, ова е приказна за забранетата љубов, робството и политичката моќ во XVII и XVIII век. Таис Араужо (Бојата на Гревот) која во новелата ја игра главната улога, имала само 17 години кога ја играла робинката Шика.

РОБИНКАТА ШИКА - XICA DE SILVA
Период на прикажување: 17 септември 1996 - 11 август 1997
Број на епизоди: 231


Повеќе од 6 милиони, мажи, жени и деца бегаат од родната Африка во Бразил, во потрага по подобра иднина, несвесни дека во ветената земја нивните животи ќе припаднат во туѓа сопственост, а тие истите ќе станат робови кои со пари ќе мораат да си ја откупат својата слобода.
Во таа агонија, помеѓу робовладетелството и кастите, една млада жена со црна кожа ќе ја промени судбината на жените од својата раса.
Во сопственост на моќниот гувернер, кој управува со рудникот за дијамнти, младата Шика заедно со својата мајка ќе биде продадена на сопственикот на еден бордел во градот. Користејки ја својата неодолива убавина, со желба за одмазда, поради теророт и малтретирањата кои ги доживела, Шика го користи својот додворувач Килоа кој ќе го натера да го убие гувернерот и да ги украде сите негови дијаманти со кој располага.
Меѓутоа, планот нема да се покаже како успешен и робинката повторно ќе се најде на пазарот за робови, каде што овој пат ќе ја откупи генералот Томас Кабрел.
Во раскошната палата на генералот, Шика ќе го запознае младиот Жоао Фернандез, вереникот на ќерката на генералот, кокетната и размазена Виолета. Маѓепсан од убавината на Шика, Жоао ќе ја научи младата девојка да чита и пишува при што ќе се заљуби во неа, а таа љубов ќе го соочи со горчината на Виолета и бесот на нејзиниот татко. Единствен начин да биде со својата љубена е да ја купи истата како робинка. Тука започнува незаборавната романса и борбата помеѓу кастите и времето.


Улоги: Taís Araújo ( Xica da Silva ), Victor Wagner (Contratador João Fernandes de Oliveira), Carlos Alberto ( Sargento Thomaz Cabral ), Giovanna Antonelli( Elvira ), Dalton Vigh ( Inquisidor Expedito) и др.