AQUI NO HAY QUIEN VIVA, Antena 3|2003-2006

Aquí no hay quien viva е шпанска комедија, која зборува за животот и проблемите на соседите во една зграда. Серијата започна да се прикажува на 7 септември 2003 година на каналот Антена 3, а заврши на 6 јули 2006. Исклучително духовитото сценарио во добро познат шпански дух ги прикажува вообичаените животни проблеми на еден сосема оригинален, реалистичен и забавен начин. Откако започна со прикажување, оваа серија стана една од најгледаните серии во Шпанија. Кај нас можете да ја гледате на Б92.

Земја на потекло: Шпанија
Година на емитување: 2003-2006
Број на епизоди: 90

1 сезона: 17 еп.
2 сезона: 13 еп.
3 сезона: 33 еп.
4 сезона: 14 еп.
5 сезона: 13 еп.
= 90 епизоди

Кратка содржина:

Зградата има три спрата, а на секој спрат по два стана во кои живеат, на прв поглед, сосема обични луѓе.
На приземје се наоѓа младиот домар Емилио, кој ја наследил работата од својот татко и нема никакви други амбиции во животот, и видео-клуб во кој работи 25-годишниот Пако, кој сонува да стане филмски режисер.
На првиот спрат живеат две сестри, кои имаат повеќе од 65 години. Висента е весела и зборлива, а Мариса, цинична и саркастична. На овој спрат живеат и младите и успешни Фернандо и Маури, кои се во прилично турбулентна геј врска.
Над сестрите живее претседателот на куќниот совет, заедно со неговата жена, синот и ќерката - тинејџерка, кои имаат многу проблеми со меѓучовечките односи. Во соседниот стан се наоѓа самохраниот татко Армандо, кој живее заедно со неговата мајка и синот, со кои често се кара.
На последниот спрат живее младиот пар Лусија и Роберто, кои само што почнале да живеат заедно и поминуваат низ тежок период по одвојувањето од родителите. Спроти нив живеат две 30-годишни другарки, заводливата Алисија и зајадливата и опсесивна Белен.

Шпица: