Популарниот црногорски пејач Бојан Маровиќ пред десетина дена во едно подгоричко кафуле бил претепан. Маровиќ бил нападнат и се здобил со тешки повреди откако група пијани момчиња почнале да ја задеваат неговата другарка. Инцидентот завршил така што едно од момчињата го гризнал пејачот за образот.

Маровиќ седел мирно покрај шанкот заедно со една своја другарка и другар, кога момчињата кои седеле во непосредна близина почнале да и дофрлуваат на девојката. Пејачот ја повлекол кон себе девојката и се обидел да ги смири момчињата. Сепак, и покрај тоа што се обидел да ја смири ситуацијата, десетина момци го нападнале и почнале да го удираат. Бојан успеал успешно да се одбрани, а веднаш по тоа со обезбедувањето тргнал накај паркингот, но таму го пресретнал еден од напаѓачите кој го гризнал за образот и речиси му одгризал парче. Потекла крв, а пејачот во истиот момент отишол на лекар. Не го оперирале бидејќи сакале да видат во каква состојба е раната, но за тоа морале да почекаат да спадне отокот. Маровиќ цела недела се опоравувал и не излегувал од својот дом во Подгорица. Случајот не бил пријавен во полиција, а во меѓувреме следувале напади врз неговиот помлад брат со цел да се изврши притисок врз Бојан.

"Добро сум и се опоравувам. Деновите ги поминував дома, морав да мирувам. Сега ми е многу подобро. Треба да одам на контрола за да видам дали е потребна хируршка интервенција, со оглед на тоа дека не сакаа да ме оперираат додека не ми спадне отокот", рекол Маровиќ, кого патем го очекува работа на новиот албум. Со оглед на тоа дека важи за мирно и повлечено момче речиси цела Подгорица е во шок.

"Голем број луѓе, колеги, пријатели, познаници ми пружија поддршка. Дури се огласија и одредени институции, и тоа многу ми значи. Верувајте ми и сега ми терепери гласот кога знам колку луѓе ме поддржуваат, затоа што тоа ми кажува дека сум направил нешто добро во животот", завршува Маровиќ.