Екскурзии, патувања...

Каде сте биле на патувања, екскурзии надвор од Македонија, а и во неа? Поделети ги вашите искуства

Па сум бил на доста патувања и во Македонија и надвор од неа. Уште од мал патувам надвор од државава (читај: Грција) каде што го поминав првиот летен одмор на 3 години во 1996 година. Од тогаш нема година да не отидам барем 3 пати во Грција, дали на одмор дали на викенд или шетка во Солун не е битно, сепак мора да се отиде. Имам одено во Турција во 2004/2007 година, во Кушадаси и Мармарис, искрено втората дестинација повеќе ми се допадна, осторвот на желките е нешто што мора да се виде Бугарија имам одено само еднаш, во 2005 мислам беше, што знам, Софија не е баш убава, ко Скопје ми е, еден дел убав еден не, а единствено место каде што би можел да отидам таму на одмор е Златните песоци, комплекс со доста луксузни хотели :))... Хрватска исто така ми е една од омилените земји, имам 3 пати одено таму на одмор, Загреб секако морам да го истакнам како најубав град на Балканот, а патем и прекрасните Дубровник и Сплит (кои мене ми оставија најдобар впечаток). Босна и Херцеговина исто така ја имам видено, т.е Сараево, но она што не ми е убаво е што има многу остатоци од војната, иако е модернизирано сепак не ми се допаѓа тоа, не добиваш убав впечаток. Во Србија немам одено во Белград, имам само поминато низ него и многу сакам целосно да го разгледам :) Сигурно ќе го засакам!

И настрана ќе ја оставам ВЕЛИКА БРИТАНИЈА дефинитивно тотално она што го очекував од неа, посебно Лондон ми остана во мисли, сепак не сум задоволен заради тоа што само 2 ипол дена бев таму и немаше се‘ да видиме, сосема малку, само Мадам Тисо, Лондонското Око, Куќата на стравот, Бекингемската палата и сл.

Ајде да видам ваши патувања, малце да си помуабетиме :D

Во Македонија некаде од 80-85% проценти од градовите ми се посетени и навистина имаме преубави места посебно водопади и пештери во Источниот дел. Жалосно е што не се користат за привлекување на туристи.

За други држави посетени ми се
Црна Гора ( Будва, Херцег Нови)
Србија ( Белград, Ниш и некои други места)
Хрватска ( Загреб, Крка, Плитвички Езера, Дубровник, Омиш, Сплит, Шибеник)
И попатно имам поминато низ Босна и Херцеговина сето ова на една екскурзија
Најголем впечаток ми остави Загреб и националните паркови низ Хрватска

После тоа бев и Италија ( Трст, Венеција, Милано, Фиренца, Верона, Лидо ди Јесоло) и попатно поминавме низ Словенија
За Италија се ми беше прекрасно. Сакам пак да одам

Сум била у Грција пуно пати,во Бугарија(Несебар и Поморје),Црна Гора(Будва и Петровац),Србија како мала али не памтам воопшто и Канада (Торонто и Винипег ) и СЕ НАДЕВАМ догодина ке можам да одам у Мексоко преку школо

Да се надеваме дека ќе одиш и после тоа ќе споделиш искуства со нас

Ептен се надевам и јас али дека неам канадски пасош и ке ми треба виза за да идам како македонец

Дефинитивно преферирам лични патувања пред екскурзии.Повеќе би сакал да патувам со личностите кои што јас ќе ги одберам,отколку со моите соученици.Друга работа која што не ми се допаѓа кај екскурзиите е сместувањето на повеќе лица во мал простор (барем такви искуства имам до сега).Се сеќавам последниот пат,на мое инсистирање бев префрлен во соседниот хотел заедно со мојот другар,бидејќи не сакавме собата да ја делиме со уште три ученици.Се чувствувам многу послободен на личните патувања.До сега имам патувано на повеќе дестинации од кои Хрватска и Турција ми оставија најголем впечаток,дури и пред западноевропските земји како Шпанија,Германија,Швајцарија,Италија.Покрај овие држави ги имам посетено скоро сите поранешни земји членки на Југославија,како и соседите на нашата држава.
Оваа година пред официјалниот годишен одмор,планирам патување во Романија,поточно Трансилванија,а се надевам дека ќе имам можност да ги посетам и замоците на брегот на црното море каде што е реализирана костимираната тв новела Amor gitano.