Замок/куќа во Црниче

Замок од соништата ни пропаѓа пред очи
Куќата е заштитен споменик на културата, но не се наоѓа меѓу приоритетите за заштита

Старата, зелена куќа што се наоѓа на улицата Востаничка 108 во населбата
Црниче, иако е заштитена со закон како споменик на културата од прва категорија,
е запуштена и разурната веќе подолго време. Прозорците се искршени, фасадата
почнува да се распаѓа, а нејзината внатрешност е целосно руинирана. Дворот е
обраснат со џбунови и дрвја што го дополнуваат лошиот впечаток.

- Куќата
дејствува застрашувачки, иако е прекрасна. Изгледа како некој замок. Навистина е
штета да пропаѓа ваква убавина - велат минувачите и луѓето што живеат во
соседството.

Вангел Божиновски, член на Комисијата за заштита на
спомениците од почетокот на 20 век, објаснува дека во 1930 година куќата ја
изградил некој богат белграѓанец што живеел во Скопје. Тој во Црниче изградил
викендичка во која живеел до пред неколку години, кога починал.

- Куќата
е изградена во еклектичен стил и навистина претставува едно извонредно дело. Таа
има видиковец, кружна соба со големи прозорци, зелената и жолтата боја со кои е
бојосана навистина дејствуваат храбро и интересно - вели Божиновски.

По
смртта на сопственикот куќата ја наследиле неговите потомци, кои ја продале на
нејзиниот сегашен сопственик. Моментално никој не живее во
куќата.

Божиновски вели дека Градскиот завод за заштита на спомениците во
2001 година ја прогласил куќата за споменик на културата од прва категорија. Со
тоа куќата е под заштита на Министерството за култура, кое треба да издаде
дозвола за да може сопственикот да ја реновира или да ја доградува.

-
Обврската за чување и за одржување на куќата е на сопственикот. Тој има право да
менува нешто, но постојат правила што треба да ги почитува. Заводот треба да
даде дозвола пред да се преземе што било - објаснува Божиновски.

Анета
Таневска од Градскиот завод за заштита на спомениците вели дека сегашниот
сопственик сакал да ја урне куќата и на истото место да изгради нова. Тој пред
шест месеци го поднел овој предлог до Заводот, но оттаму бил одбиен зашто не
водел сметка за заштита на културниот споменик.

- Сопственикот рече дека
ќе поднесе друг проект за реконструкција на куќата, но таков проект до денес не
стигнал во Заводот - вели Таневска.

Според Божиновски, Заводот ја
заштитува куќата со тоа што ја запишува во регистарот, но неговите надлежности
се движат само до тој степен. Тој вели дека се потребни многу пари за
реконструкција на куќата, но оти во Министерството за култура постои листа на
поважни споменици врз кои треба да се интервенира, а оваа куќа не се наоѓа на
нејзиниот врв.

- Во моментов се приоритетни некои други споменици, како
на пример локалитетот Скупи. Затоа сега не може да се одделат пари за да се
реновира куќата - вели Божиновски.

Леле на сите форуми е прва кога се збори за опседнати куќи

Абе ептен е позната куќава али мн е убава да се види у живо
Инаку коливе до неа се

Првпат ја гледам оваа куќа/замок. Искрен да ви бидам, малку ми звучи како бабини деветини дека куќата била опседната. Не знам од чие префрлено мислење прочитав дека некое семејство умрело во неа. Дајте бидете малку логични. Знаете колку тоа ќе беше јавно позната вест? Или може само во маало знаат за тој „вообичаен“ настан? лол

Сегашниот сопственик сака да ја урне зашто платил пари за неа, а не може да живее во неа, престара е. :) Едноставно е.

Инаку, интересен културен споменик.

Тоа дека умрело семејство во неа само господ може да каже пошто престара е куќава за да знае некој, значи не сум сигурен дека тоа се случило али не го ни негирам, а за рушење нема шанси да дозволи некој затоа што владата ја превземала како културен споменик, само што не прави ништо да ја заштити барем некоја ограда да не може секој да влегува везден во неа

Се знае за оваа зелена куќа многу одамна и секаде кружат тие муабети дека куќата е опседната.
Јансо како ден е дека тоа се само шпекулации кроз играта Расипан телефон, ако ноќе некому му се причинило нешто, тоа со сигурност биле наркомани или пијандури.

Денеска зборувавме на оваа тема со еден соученик од Црниче.Низ маалото кружат муабети дека семејството меѓусебно се убило,и дека под куќата наводно имало некои подземни води (според суеверните верувања тоа не е добар знак).Мене искрено целата фама околу куќата ми изгледа смешно,немам никакви сомнежи дека се работи за заблуда.Штета што надлежните органи во државава не превземат некои мерки за заштите на овој објект,и да се угледаме на европските и светските метрополи,кои од обичен објек прават легенда,и на тој начин го развиваат туризмот.

Не знаев дека е под подземни води, тоа дефинитивно е премногу лош знак сум се уверил во тоа

во старата куќа на баба ми и нејзините сестри (Гази Баба) која е на рапаѓање веќе има една посебна кујна така мало сопче и искрено да ви кажам ЦВЕЌЕ не напредува таму, а не па човечка душа едноставно такво е мрачно само тоа место од куќата, многу пати луге имаат паднато таму и испокршено коски, а под тоа место има подземни води или пак стара гробница, сите знаат за тоа

Куќава како што реков е престара нз од која Светска војна и од нејзината градба се развиле такви приказни а тоа дека лежи на подземни води и јас го имам слушнато али мн е јазиво онака ко на друго место да си не у Скопје
Мислам дека е на општината и дека сакаа да ја преуредат во уметничка галерија па кој знае колку ке им успее овој проект(од дамна го планират)

Не доликува на вакво место

Еј не сум слушнал за ова интересно мало замокче.