06.04.2009
„Оптички кабел до дома“ (Fiber to the home) е еден од клучните проекти на Македонски Телеком зацртани во плановите за 2009 година, чија реализација се очекува да донесе многу нови услуги.
“Ќе имаме експлозија од пропусен опсег за корисниците, со што ќе се овозможи развој на нови производи и услуги“, вели главниот директор за техника на компанијата, Торстен Алберс во кусото интервју.
Илустрирајќи само дел од капацитетите на овој проект, Алберс додава дека со оптичкиот кабел до домот ќе се овозможи на пример, преземањето на едно музичко CD (кое денес може да се најде во продажба) да трае околу 2 минути како аудио CD и само 20 секунди како MP3.
Реализацијата на проектот треба да започне годинава со 4-5 области во Скопје и постепено ќе се проширува низ земјата во наредните неколку години.
Можете ли да ни дефинирате што значи Оптика до домот („Fiber to the home“)?
- Ако се гледа прашањето од техничка страна, тоа е поврзување на секој корисник со оптички влакна наместо со сегашната бакарна линија во неговиот стан или куќа, со што му се овозможуваат говорни, интернет и ТВ услуги со пропусен опсег многу поголем од сегашниот. Гледајќи го прашањето од поинаков агол, тоа претставува драматичен преод на корисниците во еден нов свет на можности за кориснички производи и овозможува нов начин на корисничко однесување. На пример, симетричните услуги со голема брзина овозможуваат споделување на податоци, како што се видеа со вашите пријатели и членови на семејството, за многу кратко време.
Кои од нашите услуги ќе се подобрат со спроведувањето на овој проект и како?
- Ќе стекнеме поголеми можности за нашите 3 Max производи, што ќе ни овозможи да обезбедиме уште повисок квалитет на слика и HDTV канали. Освен тоа, ќе можеме да создадеме производи со повеќе од 2 сет топ боксови за да се задоволи потребата на некои од нашите корисници. Сепак, сметам дека најголем ефект ќе се постигне на полето на производите со брз интернет.
Оваа мрежа, исто така ќе и овозможи на Македонија деловен развој во иднина, доколку компаниите започнат да ги користат можностите за соработка во рамките на новата мрежа со голема брзина. FTTH може да овозможи и работни модели како Далечинско работно место (Remote workplace). Брзината ќе дозволува на оние што „работат од дома“ да го имаат истото чувство како да се поврзани на локалните мрежи на компаниите.