MaxTV

Ќе се сурфа со брзина на светлината



За илустрација, веќе се направени тестови во кои низ едно оптичко влакно е остварен проток од 14 терабита во секунда, што е доволно да помине целиот интернет сообраќај на Македонија помножен со 1.000, односно тоа е доволно за 210 милиони телефонски повици во една секунда и за преземање на 380 DVD филмови во една секунда

Македонски Телеком деновиве ќе започне со практична реализација на проектот "Оптика до домот" преку кој ќе ја нуди најновата услуга Max Optic. Со неа, корисниците ќе можат да сурфаат и симнуваат содржини од Интернет со брзина на светлината. Од Телеком велат дека преку овој нов телекомуникациски сервис, корисниците ќе можат да го добијат комплетното продуктно портфолио на MaxADSL, Call&Surf и 3Max кое сега ќе функционира преку оптички кабел.
- Optic пакетите се разликуваат од стандардните Call&Surf и 3Max пакетите според вклучениот интернет сообраќај, како и по брзината и вклучените бесплатни разговори во мрежата на Македонски Телеком. Притоа, цените за воведување на оваа нова технологија ќе бидат од 1.200 до 2.800 денари - за обичните и од 3.500 до 7.000 денари - за бизнис корисниците - велат од Телеком.

Пакетите за приватните корисници се: Call&Surf Optic Comfort и Optic Comfort plus, како и 3Max Optic Comfort и Comfort plus.
Услугата ќе стартува во Скопје, и тоа во центарот на градот, Градски ѕид, Капиштец, Карпош, Аеродром, Ново Лисиче и други делови, при што како ќе се поставува оптиката, така и ќе се приклучуваат корисниците. Со Optic пакетите на Македонски Телеком се добиваат посебни погодности, што ги немаат другите слични телекомуникациски производи достапни во Македонија, а тоа се драстично поголема интернет брзина и до 50 мегабити во секунда, повеќе интернет сообраќај, уште постабилна интернет врска, иста дојдовна и појдовна интернет брзина, погодна за примање и праќање обемни соржини (на пример видео снимки или слики, при што, на пример еден филм ако досега се "симнуваше" за 1,5 час, сега ќе може само за три минути). Тука е и гледање повеќе ТВ канали со висока резолуција во исто време и бесплатна втора телефонска линија, при што зборувате на две телефонски линии во исто време додека сте поврзани на интернет и гледате MaxTV.

Оваа врвна технологија моментално ја користат над 20 милиони претплатници во светот. Технологијата "Оптика до домот" практично не застарува и има скоро неограничени можности. За илустрација, веќе се направени тестови во кои низ едно оптичко влакно е остварен проток од 14 тера бита во секунда, што е доволно да помине целиот интернет сообраќај на Македонија помножен со 1.000, односно тоа е доволно за 210 милиони телефонски повици во една секунда и за преземање на 380 DVD филмови во една секунда.