Викенд на мртовци е македонски филм/серија-комедија од 1988 година, режиран од Коле Ангеловски, со Владимир Ангеловски - Дади, Ѓорѓи Јолевски, Димче Мешковски, Гоце Тодоровски и Благоја Чоревски во главните улоги. Филмот е екранизација на театарска пиеса од Миле Попоски и е последниот снимен во Вардар филм во рамките на СФР Југославија. Добитник е на две награди на Фестивалот на филмска комедија во Голубац - „Златна Рипка“ за режија на Коле Ангеловски и трета награда од публиката за најдобар филм
СодржинаРазоткривачко предупредување: Следат подробности кои го разоткриваат дејствието и/или расплетот.Тасе е известен дека неговата жена починала на една од клиниките во Скопје. Набргу неговиот дом се исполнува со нивни роднини и пријатели и сите чекаат да пристигне ковчегот со умрената за да ја оплачат и погребаат.
Во соседството, пак, наспроти куќата на Тасе, се прави свадба. Со звукот на зурлите и тапаните пристигнува ковчегот со умрената, но кога истиот ќе го отворат, му нема крај на изненадувањето зашто внатре не е Кате, сопругата на Тасе, туку некоја непозната жена. Веднаш бараат објаснување од Државната болница во Скопје од каде се известени дека во сплет на околности, направена е размена на покојничките и дека нивната Кате се наоѓа кај некој Климе од Охрид, а неговата жена е во ковчегот што пристигнал кај Тасе. Тасе и Климе воспоставуваат врски и се договараат да си ги разменат покојничките при што постигнуваат договор да се сретнат на полпат, односно на планинскиот превој Ѓавато.
Според договорот, тука пристигнуваат и едните и другите, но пред да бидат разменети покојничките, доаѓа до меѓусебна расправа во врска со вредноста на мртвечките сандаци. Уште таа расправија тече, а на повидок е ново разочарување: во сандакот што го добил Тасе не се наоѓа телото на покојната жена на Климе по име Зора, туку некоја трета жена. Затоа, Климе и неговата ќерка ќе го земат само скапиот мртовечки сандак и ќе се вратат назад, а Тасе останува со две мртви жени и со еден евтин мртовечки сандак.
Крај на информациите поврзани со дејствието и/или расплетот.Реакции и наградиРеакции
Викенд на мртовци е првата македонска филмска комедија по пауза од речиси триесетина година (по Мирно лето од 1961 година) [3] и е еден најпопуларните македонски филмови од овој жанр, имајќи култен статус децении по својата премиера.[се бара извор] Уште веднаш е добро прифатен од публиката, благодарејќи ѝ, во одредена мера, и на истоимената успешна претстава, на која работи безмалку истиот тим и која, заедно со Солунски патрдии и Бегалка е и една од најдолговечните претстави на Драмскиот театар[1]. Сепак, комплицирањето на дејството во втората половина на филмот, кога покрај почетната постава се појавуваат и двајца молери што се враќаат од Претор и две германски автостоперки, од некои критичари е оценето како непотребно обременување на одличниот првичен заплет, чие „почетно темпо, ниту режисерот Коле Ангеловски ниту самите интерпретатори, не го задржаа во текот на целиот филм“ .
Награди
1988 - Филмски Фестивал во Голубац, Прва награда „Златна Рипка“ за режија на Коле Ангеловски
1988 - Филмски Фестивал во Голубац, Трета награда од публиката
http://rapidshare.com/files/262142414/Vikend_na_mrtovci.part1.rarhttp://rapidshare.com/files/262477344/Vikend_na_mrtovci.part2.rarhttp://rapidshare.com/files/262487162/Vikend_na_mrtovci.part3.rarhttp://rapidshare.com/files/262495680/Vikend_na_mrtovci.part4.rarhttp://rapidshare.com/files/262505689/Vikend_na_mrtovci.part5.rarhttp://rapidshare.com/files/262526165/Vikend_na_mrtovci.part6.rarhttp://rapidshare.com/files/262531788/Vikend_na_mrtovci.part7.rarПасворд:
www.prevzemaj.com
Предмет: Викенд на мртовци | 1988 
Пон Сеп 07, 2009 12:44 am
