Google продолжува да изнаоѓа начини како да заработи од популарноста на нивниот online video сервис YouTube. Компанијата се повеќе се свртува кон филмските студија со цел да обезбеди лиценци за прикажување на најновите филмски остварувања на својот сервис. Google во моментов се во преговори со Sony Pictures, Lions Gate Entertainment и Warner Bros.
Се шпекулира дека некои од филмовите кои ќе се најдат на YouTube ќе можат да се гледаат бесплатно, но ќе бидат поставени со вметнати реклами, додека за останатите филмови ќе треба да се плати по четири американски долари.
Сепак останува да ги почекаме официјалните информации од Google, но имајќи предвид дека компанијата се стреми конечно да профитира од сервисот, јасно е дека ваквите гласини имаат смисла.