Гинис Риши од Индија се надева дека ќе стане првиот човек во историјата кој на своето тело ќе ги истетовира знамињата на сите земји во светот. Ние веруваме дека ќе успее, бидејќи ретко се наоѓаат генијалци со вакви идеи.
Овој Индиец стар 67 години планира своето тело да го украси со 220 знамиња во тетовирана форма.

Со веќе шест знамиња истетовирани на лицето (канадско, британско, американско, кипарско, индиско и знамето на Индиската конгресна партија) Гинис, кој дури и го промени своето име во чест на книгата со рекорди, верува дека ќе успее во намерите за најдоцна три години.

„Ќе го истетовирам целото тело, дури и гениталиите, но сеуште не одлучив која тетоважа ќе ја ставам на тоа место. Во првата фаза планирам да истетовирам 60 знамиња на главата, а потоа ќе видиме како ќе ги распоредам по телото“, изјави Индиецот со оваа необична амбиција.

„Сиромашните луѓе кои сакаат да направат нешто во своите животи се обидуваат да соборат различни рекорди со својата сила или волја“, додаде Гинис Риши.

Ако ништо друго, ќе постигне светска слава и воодушевување, од време на време пропратено со емоција на гнев према него од сите нас, нететовираните фраери, кои ќе се прашуваме: „како нам не ни текна ова“ :(

Чичково ќе го проверуваме од време на време. Многу е важно на кој дел од телото ќе го стави Македонското знаме :)