Рим, 23 август (МИА) - Рекордниот џекпот од 146,9 милиони евра од италијанската лотарија „Супереналото“ конечно беше извлечен, соопшти италијанската телевизија РАИ.

Среќниот добитник е од Бањоне, во провинцијата Маса Карара, во Тоскана, а добитната комбинација е 11, 27, 10, 79, 45 и 88.

Џекпотот „падна" по повеќе недели лотариска треска, што натера туристи од цела Европа да си ја пробаат среќата во најголемата игра на среќа на континентот.

Главната награда не беше извлечена уште од 31 јануари годинава.

Најголемиот добитник од лотаријата, меѓутоа, е италијанската држава, бидејќи учесниците потрошија над две милијарди евра од почетокот на годината, а половината од оваа сума отиде во државната каса, забележаа агенциите.