10 THINGS I HATE ABOUT YOU, ABC Family|2009

10 нешта што ги мразам кај тебе е американски ситком кој започна со прикажување на ABC Family на 7 јули 2009 година. Оваа получасовна серија е базирана на истоимениот филм од 1999 година, кој пак е базиран на Шекспировата драма The Taming of the Shrew.

1 сезона: 20 епизоди

Кратка содржина:

Бјанка и Кет се сестри кои многу се разликуваат. Во нивното ново средно училиште едната сака да се вклопи, а другата да се разликува од останатите. Кет е опуштена, интелигентна и тврдоглава феминистка која сака да го спаси светот и што побрзо да го заврши училиштето. За разлика од неа, основната животна цел на Бјанка е да биде популарна. Во обидите да го оствари тоа што го сака, Бјанка добива помош од Камерон, кој е заљубен во неа. Од друга страна, Кет се обидува да го игнорира фактот дека и се допаѓа Патрик, мистериозното момче за кого кружат разни гласини, но никој не знае каков е тој навистина. Покрај проблемите со момчињата, тие мора да се справуваат и со претерано заштитничкиот татко, кого го глуми Лери Милер, истиот глумец од филмот.

Улоги: Линдзи Шо, Меган Џет Мартин, Итан Пек, Николас Браун, Лери Милер, Дејна Дејвис...