MERLIN, BBC|2008-

MERLIN e британска фантазиска серија која се емитува на BBC. Серијата започна со емитување на 20 септември, 2008, со последната епизода од првата сезона на 13 декември, 2008. Некаде во 2009 телевизијата ќе започне со емитување на втората сезона. Серијата се работи за светски познатиот волшебник Мерлин, познат од легендите за кралот Артур, каде во сите патувања на Артур му служел како верен пријател и советник. За разлика од традиционалната Артурска легенда серијата ги раскажува авантурите на малдиот Мерлин пред да стане верен пријател и слуга на Артур. Исто така покрај животот на Мерлин, серијата го прикажува и животот на младиот принц Артур во времето пред да го наследи тронот на својот татко Утер.
Секоја епизода го прикажува односот на Артур и Мерлин, кои од непријатели стануваат верни пријатели. Секоја епизода прикажува негативец со кој Мерлин со помош на своите моќи го поразува. Покрај ликовите на Мерлин и Артур, тука се и девојките Моргана, богата и прекрасна девојка, со видовити моќи и нејзината верна грда но добродушна слугинка Гвен. Според вистинската легенда Артур длабоко се вљубува и останува со Гвен, додека во серијата и двајцата не можат да се поднесат и Гвен покажува чувства кон Мерлин, а Моргана во легендата прикажана како злобна вештерка се појавува како добра девојка вљубена во Артур. Во неколку епизоди се појавува и Нимуе, во некои легенди позната како вљубеничка на Мерлин, а овде главен антагонист и споерник на Мерлин, со кој се пресметува во последната епизода.
Серијата е инспирирана од американската серија Смолвил, која пак ги покажува животите на младите Кларк и Лекс. Серијата неочекувана постигнува солиден успех. Првата епизода во Британија ја гледале 7.15 милиони гледачи, со тоа што понатамошните епизоди следат горе-доле сличен рејтинг. Во Америка првата епизода е гледана од 5.46 милиони,и во Канада неверојатни 11.03 милиони. Се има здобиено со поволен критицизам, поради добро обработената приказна и добра интерпретација на ликовите. Но, покрај тоа, таа се одликува со не толку добри ефекти, доказ за ова е легендарниот змеј кој му кажува на Артур за неговата судбина. Поголемиот дел од актерската екипа се нови актери, меѓу попознатите се Santiаgo Cabrera познат по улогата на Ајсак Мендез во американската серија Херои кој го толкува Ланселот, еден од попознатите витези од округлата маса, познат по имањето афера со жената на Артур, и Michelle Ryan позната по својата улога во серијата Bionic Woman.

Кај нас серијата се емитува на новиот канал АБ. Првата сезона содржи 13 епизоди од кои речиси сите се емитувани во САД, сите се емитувани во Британија, а само првата во Македонија. Во есен 2009 ќе започне втората сезона во Британија.