Илузија | 2004

Илузија (Miragе)

Премиера:
Канада: 11 септември 2004
Македонија: 11 март 2005
САД: 13 март 2005



Илузија е македонски филм од 2004 со Мустафа Надаревиќ, Владо Јовановски, Никола Ѓуричко, Дејан Аќимовиќ и Марко Ковачевиќ во главните улоги. Филмот е режиран од Светозар Ристовски кој е и автор на сценариото во соработка со Грејс Леа Троје. Дејствието на филмот се одвива во Велес
и е приказна за едно талентирано, но злоупотребувано момче кое е
предадено од своите илузорни надежи за подобра иднина и, по склоп
околници, претворено во криминалец. Филмот дава една мрачна престава на
пост-југословенска Македонија, портретирајќи ја како место подложно на
насилство и корупција.


Илузија е дебитантскиот филм на Ристовски. По неговата премиера во Канада и САД, добро е прифатен од тамошните критичари кои го фалат неговиот бескомпромисен реализам и изведбата на Марко Ковачевиќ во главната улога. Споредуван со Ивановото дејство на Андреј Тарковски, филмот добива награда за Најдобар филм на Меѓународниот Филмски Фестивал „Anchorage“ во 2005 година, а номиниран е и за Гран при на Меѓународниот Филмски Фестивал во Токио една година претходно.