Поп- ѕвездата Каролина Гочева и скопскиот бизнисмен Дино Балиќ, ја прекинаа четири годишната врска. Оваа приказна веќе подолго време кружи низ скопската чаршија, иако поп-ѕвездата сè до завчера официјално не сакаше да потврди.

Каролина е секогаш воздржана што се однесува до коментарите за нејзиниот приватен живот, па на прашањето дали е вистина дека веќе не е со Дино, ни одговори само со куса смс порака:
- Ха, ха, ха, а бе еднаш не ме оставате да раскинам на раат", стои во смс пораката што ни ја испрати Каролина.
Дино Балиќ пак не сакаше да коментира ништо.
- Прашајте ја Каролина, јас не сум позната личност и не би сакал да давам никакви изјави". Не правите баук од ова, ни рече Балиќ во телефонскиот разговор.
Интересно е што Каролина по подолга пауза токму во времето кога започнаа муабетите дека е сама и слободна промовивираше нов сингл. Песната се вика "Крај", а за неа ја напиша српскиот рапер Скај Виклер. Новата Каролина во спотот е во своето најпровокативно издание. Во секси долна облека, таа се плиска во вода, го разголува стомакот и пее: Ние никогаш не сме биле добар пар, знам ти никогаш не си посакал ваков крај". Иако скржава во изјавите за медиуимите, Каролина со појавата во спотот и текстот на песната, на чаршијата и дава нови поводи за муабет. На сите јавни настани, Каролина и Дино се појавуваа заедно, се до пред неколку недели. На отварањето на дискотеката "Хард рок", Дино дојде сам, а Каролина на журка низ скопските кафулиња и клубови може да се види во друштво на пријателки.
Поп-ѕвездата и со претходните врски секогаш беше интересна и озборувана во јавноста. Најголема фама се крена кога во 2003 година нејзиниот поранешен дечко Гроздан, со билборди на кои пишуваше "Каролина те сакам", откако раскинаа сакаше да ја врати назад. Потоа беше во љубов со српскиот бизнисмен Михајло Ражњатовиќ, син на Жељко Ражњатовиќ- Аркан, па повторно ја обновија врската со Гроздан.
Дино Балиќ пред Каролина, четири години беше во врска со манекенката Натали Грубовиќ.