Откако се испроба и во дизајнерските води, Лиам Галагер одлучи да се фрли малку и на глумење. Станува збор за филмската адаптација на романот Powder, во кој нема да недостасуваат сексот и дрогата.
Поточно, Лиам ќе се појави на големото платно во филмската верзија на романот на Кевин Сампсон Powder кој ја обработува темата на борбата на рок бендовите со сексот и дрогата откако ќе стекнат светска слава. Значи, Лиам не би требало да има особени проблеми во толкувањето на улогата.

Едната половина од Оејзис кој неодамна се испроба и како дизајнер, односно ја лансираше својата модна линија Pretty Green во филмот ќе се појави покрај музичкиот ветеран Гуру Џош. Пол Волден попознат како Гуру Џош всушност беше и човекот кој ја откри веста на својата веб страна, прашувајќи се дали светот е подготвен за Лиам Галагер и Џош во тандем. Почетокот на снимањето е закажан за крајот на август оваа година.

Почеток на некакво снимање за нов албум на Оејзис, не се ни насетува.

Извор: Кајгана