THE COSBY SHOW|1984-1992

„Козби Шоу“ е американска хумористична ТВ серија која ја прикажува хумористичната стран на семејните животи во фамилијата Хакстбл. Прв пат започна со емитување на американската телевизија NBC. Шоуто се фокусира на семејството Хакстбл, добростоечка афричко-американска фамилија со живеалиште во Бруклин, Њујорк. Според списанието „TV Guide“, серијата била најголем хит во 80те и е таа која го дигнала жанрот ситком и гледаноста на NBC. Првата сезона на серијата ја гледале преку 20 милиони американски гледачи, а последната (осмата) ја гледале само 13 милиони. Од „Козби Шоу“ произлезе и спин-оф серијата „A Different World“.

Број на епизоди: 201
Број на сезони: 8

Кратка содржина:

Семејството Хакстбл живее во мирниот кварт Бруклин, Њујорк. Главата на фамилијата, Клиф Хакстбл е гинеколог и е во брак со адвокатката Клер. Клиф и Клер се грижливи родители на пет деца. Најстарата Сондра сонува да стане адвокатка, откачената Денис сака да ужива во животот се’ до заминувањето на факултет, единствениот син Тео бара неволји, основношколката Ванеса се гриже за шминката и алиштата, додека најголемото внимание родителите го посветуваат на најмладиот член на фамилијата, Рудит т.е нагалено Руди. Серијата ги прати згодите и незгодите на семејството во текот на нивните животи.