MORELIA, Televisa|1994

МОРЕЛИЈА е мексиканска теленовела продуцирана од Тelevisa и Univision во 1994 година. Серијата е снимена во Мајами, а дел од актерската екипа е и чилеанката Cecilia Bolocco, екс Мис Универзум. Продуцент на серијата е Malú Crousillat. Серијата е римејк на венецуелската серија "La Zulianita" (1977) и аргентинската "María de nadie" (1986), а Лупита Ферер глуми и во првата верзија и во Морелија.
Насловната нумера ја изведува познатиот Кристијан Кастро.
Серијата се смета за едно од полошите остварувања на Телевиса, а воедно и прва Телевисина серија снимена во Мајами.


MOРЕЛИЈА - MORELIA
Година на прикажување: 1994
Епизоди: 220


Приказната започнува кога човекот кој ја одгледал Морелија и за кој таа мисли дека и е татко, умира без да и го открие вистинското потекло. Мичоакан, сопственикот на земјиштето каде живее Морелија ја измачува и вознемирува, па поради тоа таа е приморана да избега. Без човекот кој ја одгледал и без пари, Морелија заминува во Мајами во потрага по подобар живот и преживување. Нема друг излез, освен да работи во еден ноќен клуб. На првата вечер на работното место, Ле Бланк, еден безобразен и дрзок клиент оди предалеку во намерите со Морелија и се обидува да ја пипне и бакне. На таа негова постапка, Морелија возвраќа со шлаканица и после тоа тој ја обвинува дека му го украла паричникот. Благодарение на Карлос Монтеро, мрзелив но ефикасен адвокат, Морелија не завршува во затвор, но затоа ја губи работата.
Така, Морелија наоѓа нова работа како слугинка во богатата куќа на семејството Кампос Миранда каде го запознава еден од синовите на Кампос Миранда, Хосе Енрике. Двајцата се вљубуваат и започнуваат романтична врска, но нивната страст од старт е осудена на пропаст од многумина. Семејството Кампос Миранда ја крие и тајната за потеклото на Морелија, која ќе биде причина Морелија да не стане дел од тоа семејство.


Улоги: Алфа Акоста, Артуро Пениче, Сесилија Болоко, Лупита Ферер, Хорхе Салинас,
Даниел Алварадо, Салвадор Пинеда, Серхио Басањез, Жизел Блондет