COLLAR DE ESMERALDAS, Dori Media|2006

Смарагдниот ѓердан е аргентинска теленовела каде Карина Зампини и Освалдо Лапорт ги толкуваат главните улоги, кои заедно настапуваа и во серијата Профа. Воедно насловната песна "Te tendo que encontrar" ја изведува Освалдо Лаопорт. Оваа серија и покрај интересната традиционална приказна и одличната актерска екипа, покажа доста слаби рејтинзи во Аргентина, пред се заради лошиот термин кој и беше даден на новелата.


СМАРАГДНИОТ ЃЕРДАН - COLLAR DE ESMERALDAS
Година на прикажување во Аргентина: 2006
Продукциски куќи: Yair Dori Communications, Ideas de Sur, Central Partnership
Eпизоди: 150


Мартин Ривера е доста познат архитект, кој има живеено во странство некое време. Неговиот татко Алфредо кој бил сопственик на прочуена градежна компанија умрел под мистериозни околности. Штом Мартин дознава дека неговата мајка е болна, се враќа во Аргентина, несвесен дека неговиот живот целосно ќе се промени.
Од друга страна, Ромина е млада девојка која живее во беда и сиромаштија откако нејзиниот татко, кој воедно бил асистент на Алфредо, ја изгубил работата. Ромина единствено се согласува со нејзиниот татко, затоа што брат и и сестра и се занимаваат со неморални активности, тој се знаимава со нечисти зделки, а таа е танчерка во некој ноќен бар. Со сите сили и способности, Ромина и нејзиниот татко се обидуваат ден за ден да преживеат, иако знаат дека во нивна сопственост моментално е едно непроценливо богатство. Се работи за ѓердан од смарагди, зеленосветкави преубави камења, кој им го дал дон Алфредо Ривера на смртната постела. Но во моментот кога ќе решат да го продадат ѓерданот за да изнајдат средства за живот, таткото на Ромина е брутално убиен. Ѓерданот е украден, а за убиството е обвинет Мартин, кој го држел пиштолот во рака кога дошка Ромина на местото на злосторството.
Ромина и Мартин ја имаат привилегијата да се запознаат и да сфатат дека се привлекуваат, но во почетокот Ромина не сака да има ништо со било кој од семсјтвото Ривера кои ги обвинува за тешкотијата и бедата во која живеела со татко и. Ромина постепено сфаќа дека Мартин не може да биде убиецот на нејзиниот татко, а тој со сите сили и го докажува упорно тоа. Мартин лудо се вљубува во Ромина, незнаејќи дека тоа ќе предизвика взаемна болка и за двајцата. Тоа што ни Ромина, ни Мартин не го знаат е дека нивните татковци се убиени од ист човек - вујкото на Мартин - Виктор. Виктор сега станува сопственик на конструктивната компанија Ривера и ќе прави се што е во негова моќ за да го уништи Мартин, чие враќање во Аргентина ги попречи неговите пакосни и злонамерни планови.
Колку повеќе се приближуваат еден до друг, и Ромина и Мартин стануваат неспособни да и се спротистават на љубовта и она што цврсто ќе ги врзува и покрај љубовта, ќе биде неуморната желба да се открие вистината околу смртта на нивните татковци и моќта на смарагдниот ѓердан.


Улоги: Освалдо Лапорт, Карина Зампини, Силвија Монтанари, Артуро Бонин, Лидија Ламаисон, Пепе Монхе,
Норберто Диаз, Жан Пјер Ноер, Паула Серо, Серхио Сурако