PEREGRINA, Televisa|2006

Перегрина - Peregrina
Земја на потекло: Мексико
Година: 2006
Епизоди: 100

Перегрина е мексиканска теленовела, снимена во 2006 година во 100 епизоди од мексиканската Телевиса, а кај нас се прикажуваше на Сител. Серијата е римејк на повеќе серии и тоа на: Перегрина (верзија од 1973 од Веневизион, Венецуела), Девојката од циркузот (верзија од РЦТВ Венецуела од 1988), Перегрина (од Телевиса во 1989 година со Ерика Буенфил и Гиљермо Капетиљо) и најпопуларната Касандра (од 1992 година од РЦТВ Венецуела со Кораима Торес и Освалдо Риос). Серијава не достигна голем успех како претходните нејзини верзии, особено како Касандра.

Голем облак на вистинска трагедија се надвиснува над семејството на милионерот Елисео. Неговата сакана ќерка единица е болна од неизлечива болест. Во последните години на својот живот Марсела се мажи и раѓа прекрасно мало девојче. Умира на породувавањето, а по неколку денови, во несреќа умира и нејзиниот маж. Елисеовата втора сопруга, амбициозната и доминантна Викторија е вдовица со два сина од првиот брак, близнаците Родолфо и Анибал. Доња Викторија во новороденото девојче гледа опасност кон наследството кое сака да им припадне само на нејзините синови. Викторија смета дека среќата е на нејзина страна кога во градот ќе пристигне циркус и откако ќе дознае дека умрела внуката на гатачката Сабина, Викторија заедно со својот слуга решава да ги замени децата и малата богата наследничка да ја однесе во циркусот. Така го убедува својот сопруг Елисео дека неговата внука е всушност мртва. Девојчето расте во прекрасна и убава циркуска танчерка и акробатка Перегрина, идентична на нејзината мајка, која сега талка низ светот заедно со своите пријатели од циркусот и нејзината баба Сабина. Родолфо израснал во чесен дечко, за разлика од неговиот злобен брат Анибал. По 18 години, циркузот се враќа во градот и сега тоа претставува повторна опасност за Викторија. Родолфо и Перегрина се вљубуваат, но набрзо потоа Родолфо мора да замине од градот а Перегрина е свршена за Иван од циркузот. Во потрага по Родолфо, Перегрина доаѓа во куќата на нејзиниот вистински дедо и постепено сите ја откриваат страшната тајна за вистинското потекло на Перегрина. Во договор со неговата мајка, Анибал се претставува пред Перегрина дека тој е човекот во кој се вљубила, ја запросува сакајќи само да и го земе наследството од нејзиниот дедо. Перегрина се мажи со Анибал, го напушта циркузот и на медениот месец сфаќа дека е изневерена од Анибал, кој ги сакал само нејзините пари. На островот Анибал е убиен од неговата слугинка Абигаил која во минатото му била љубовница. Сега Перегрина е обвинета за неговото убиство, а во градот се враќа Родолфо, спремен да ја одмазди смртта на својот брат. Тој во Перегрина гледа опасен непријател и убиец, а Перегрина мора остро да му се спротистави на човекот кој вистински го сакала, чувствата се претвораат во омраза, а страста во желба за одмазда…

Улоги: Африка Завала, Едуардо Капетиљо, Хелена Рохо, Жаклин Андере, Синтија Клитбо, Игнасио Лопез Тарсо, Абрахам Рамос, Карлос Камара, Салвадор Санчез