REINA DE CORAZONES, RCTV|1998

Кралица на срцата е венецуелска серија, продуцирана и дистибуирана преку мрежата на Радио Телевизија Каракас, а зборува за едно проколнато гратче, мистерии, демонски сили и празноверија. Напишана е од познатиот aвтор Humberto 'Kiko' Olivieri (Пустински љубовници, Затвореничка, Осветничка, Анали), а режијата му припадна на најпознатиот венецуелски режисер Тони Родригез. Најавната песна "Vuelan" ја пее Mulato. Во главните улоги се јавуваат Ема Рабе (позната како тетката на дебелата слатка Валентина) и Роберто Матеос (Милагрос).
Оваа љубовна приказна обележана од лаги, ривалство и претерана амбиција е раскажана низ 123 визуелни продолженија и кај нас се прикажуваше на локалните телевизии.


КРАЛИЦА НА СРЦАТА - REINA DE CORAZONES
Земја на потекло: Венецуела
Година: 1998
Епизоди: 123


Марлена Паез е преубава русокоса девојка со објективен поглед кон животот, со одлучувачки карактер и голема харизма. Таа морала да помине многу нивоа на болка, разочарувања и беда за да постане познат интернационален модел. Но славата не и го исполнува нејзиното срце, чии рани го прави не само неостварената љубов со Сантјаго Порас, туку и копнежот да се открие минатото, кое е обвиено со мистерија и злосторства. На врвот на нејзината кариера во светски познатите земји, Марлена е приморана да ја остави професијата на stand by и да се врати во родното гратче Топокал за да ја погреба маќеата, но нејзиното враќање ќе открие многу тајни од страшното минато.
Сантјаго Порас бил маж со големи идеали и страсти кон жените и животните предизвици, но откако открил дека неговиот татко "El Diablo" е убиен од родителите на Марлена, тој станува свештеник и со тоа завршува романсата меѓу нив двајцата. Тој ја напуштил, ја замразил и затоа Марлена го напушта градот. Марлена се враќа на закопот на нејзината маќеа Долорес и тогаш судбината повторно ја среќава со Сантјаго, но овој пат тој е во сосема нова улога, како свештеник. Кога ја гледа љубовта на нејзиното минато повторно пред неа, Марлена заплакува и тогаш небото се распрснува, почнува да врне обилен дожд. Сите селани се зачудени затоа што прв пат по многу години врне дожд во таа суша, во тоа проколнато гратче. Мислејќи дека се случило некое чудо, простодушните и неуки селани ја прогласуваат Марлена за божица, за кралица на нивните срца.
Но минатото не променило ништо, сеуште постои истата жешка страст и длабока љубов меѓу Марлена и Сантјаго, која не умрела ни поради страшната завера и лага заради која се разделиле. За таа завера е виновен Рамиро Вегас. Рамиро Вегас и Одило Сантос се водачи на две богати моќни фамилии во гратчето кои не бират средства за да се уништат меѓусебно затоа што постои силна политичка конкуренција меѓу нив и желба за доминација во градот. Нивното ривалство и злосторства започнуваат да ја уништуваат и љубовта на Сантјаго и Марлена, која е забранета, но и на Федерико и Џулиета, децата на Одило и Вегас кои ја доживуваат тајната романса на Ромео и Јулија. Марлена и Сантјаго започнуваат заеднички акции за да го спасат градот од немирите и поделеноста предизвикана од фамилиите Одило и Вегас, во таа борба се зближуваат, но предизвикуваат и омразеност кај двете фамилии.
Целта на Сантјаго и Марлена е да го обединат градот и да ја откријат заверата од минатото која им ги уништила семејствата. Сантјаго наоѓа некои документи со кои открива дека некоја земја и е одземена на Марлена, сфаќа дека направил грешка што ја напуштил порано и дека нејзините родители не се виновни за смртта на неговиот татко, но дали е доцна веќе? Марлена не може да му прости за тоа што ја напуштил, иако премногу го сака, а Сантјаго за да и ја докаже неговата љубов, подготвен е да ја симне свештеничката мантија. Затоа двајцата ќе мораат да преминат преку гордоста и грешките за да ја спасат нивната љубов и да го спасат градот од проклетството кое ги демне сите негови жители. Но токму оваа нивна борба е осудена на негодување и омраза од Луиса Елена која е вљубена во Сантјаго и од Рамиро Вегас кој не сака мешање во управувањето на градот. Двајцата се решени да ја уништат Марлена, која е бремена од Сантјаго. На денот на свадбата на Марлена и Сантјаго, носат рабојници, настанува хаос, Марлена го губи детето и завршува во лудница каде е подложена на секакви тортури и мачење...


Улоги: Emma Rabbe (Marlene Paez/Sara), Roberto Mateos (Santiago Porras), Ricardo Álamo (Jean Paul), Alberto Alifa (Father Barrientos), César Bencid (Berensejo), Marcos Campos (Matute), Dad Dager (Catalina Monsalve), Dessideria D'Caroas (Maria Gracia), Albi De Abreu (Federico)